35:631  631  S  E  R  M  O  N  S  632  voit  tout  l'opposite:  car  ils  tienent  foire  et  marche  de  leurs  merites,  et  en  ont  a  revendre,  afin  que  les  autres  se  fondent  et  mettent  leur  fiance  en  telle  profanation.  Apres,  autant  qu'il  y  a  de  bigots  et  de  bigotes  en  la  Papaute,  ce  sont  autant  de  cornes  dressees  contre  Dieu:  car  ils  sont  tousiours  enflez  de  cest  orgueil  pour  dire,  Et  comment?  Et  si  ie  ne  meritoye,  de  quoy  me  serviroit-il  d'avoir  eu  tant  de  bonnes  devotions,  d'avoir  fait  chanter  tant  de  messes,  d'avoir  tant  barbote,  d'avoir  couru  d'autel  en  autel,  d'avoir  eu  ma  devotion  a  un  tel  Sainct,  d'avoir  fait  une  telle  feste?  Brief,  ils  ont  tousiours  ceste  maudite  opinion  et  infernale  de  vouloir  obliger  Dieu  envers  eux.  Voyla  comme  Satan  les  decoit  par  telles  illusions,  en  sorte  qu'ils  ne  peuvent  gouster  de  quoy  leur  sert  la  mort  et  passion  de  nostre  Seigneur  Iesus  Christ.  Les  autres  ne  se  conflent  pas  en  leurs  merites:  comme  des  yvrongnes,  des  paillars  et  gens  dissolus,  ne  diront  pas,  Nous  sommes  comme  des  petis  Anges,  nous  avons  bien  vescu,  nous  avons  este  fervens  en  nos  devotions  :  mais  ils  se  gaudissent  (comme  i'ay  desia  dit)  et  pensent  qu'ils  pourront  eschapper  de  la  main  de  Dieu  par  leurs  mespris  et  mocqueries.  Pour  ceste  cause  le  Prophete  nous  appelle  yci  tous,  et  dit,  Regardez  poyres  gens  que  c'est  de  vous,  iusques  a  ce  que  Dieu  vous  ait  declare  sa  pitie  en  nostre  Seigneur  Iesus  Christ  son  Fils:  car  nous  avons  tous  erre,  vous  estes  tous  bestes  perdues.  Voyla  son  intention:  et  dit,  Nous  tous,  pource  qu'il  se  met  du  nombre.  Voire,  car  desia  nous  avons  veu  qu'il  faloit  que  les  Iuifs  fussent  enclos  en  ceste  condamnation  generale  des  hommes,  pource  qu'il  leur  sembloit  qu'ils  en  devoyent  estre  exemptez.  Car  ils  avoyent  tousiours  ceste  fole  outrecuidance,  que  puis  que  Dieu  les  avoit  adoptez  et  choisis,  ils  pensoyent  bien  valoir  plus  que  le  reste.  Or  le  Prophete  les  enveloppe  yci  en  la  mort  eternelle,  iusques  a  ce  qu'ils  ayent  cherche  le  remede  de  leur  delivrance  en  Iesus  Christ.  Nous  sommes  donc  tous  enclos  en  ceste  condamnation  :  et  il  met  aussi  ce  mot  de  tous^  afin  d'exclure  toute  exception:  comme  s'il  disoit,  II  ne  faut  point  que  nul  se  vante,  non  pas  iusques  a  la  queue  d'un,  d'estre  iuste  devant  Dieu,  pour  se  pouvoir  passer  du  remede  lequel  maintenant  i'ay  declare:  Car  le  plus  parfait,  et  celuy  qui  aura  le  plus  de  sainctete  a  l'opinion  des  hommes,  se  trouvera  coulpable  devant  Dieu.  Nous  voyons  donc  maintenant  l'intention  du  Prophete,  mais  encores  ne  se  contente-il  point  de  cela,  il  dit,  chacun  a  decline  en  sa  voye.  Et  pourquoy  reitere-il  le  propos,  venant  de  tous,  a  Chacun?  D'autant  que  quand  on  nous  condamne  en  general,  encores  ne  sommes  nous  point  tant  esmeus,  et  avec  telle  vivacite  comme  il  seroit  requis.  Il  est  vray