25:631  631  SERMON  III.  632  surer  a  nostre  aune.  Et  au  reste,  que  nous  invoquions  Dieu,  afin  qu'il  nous  rende  idoynes  pour  satisfaire  a  ce  qui  nous  sera  commande.  Voila  donc  ce  qui  nous  est  ici  monstre  par  l'exemple  de  Moyse:  car  il  ne  piaque  point  le  gouvernement  du  peuple,  pource  qu'en  ce  faisant  il  eust  este  rebelle  a  Dieu.  Nous  voyons  comme  il  en  a  prins  a  Ionas,  car  Dieu  le  trouve,  combien  qu'il  fuy  e.  Il  ne  faut  pas  donc  que  sous  ombre  de  nostre  foiblesse,  nous  refusions  d'obeir  a.  Dieu,  combien  que  les  charges  qu'il  nous  donnera  soyent  fascheuses,  et  qu'il  nous  faudra  gemir  dessous.  Quoy  qu'il  en  soit,  que  nous  ayons  ceste  reigle,  de  nous  assuiettir  a  la  vocation  de  Dieu,  et  suyvre  la  ou  il  luy  plaira  nous  appeller  :  et  sur  tout,  que  nous  l'invoquions  afin  qu'il  supplee  a  nos  defautes:  et  cependant  que  nous  n'entreprenions  point  par  trop,  mais  que  la  charge  se  limite  selon  nostre  faculte.  Et  si  ceci  eust  este  suyvi,  on  ne  verroit  point  les  confusions  si  enormes  par  tout,  comme  elles  sont.  Qui  a  esto  cause  qu'en  l'Eglise  il  y  a  eu  une  tyrannie  si  barbare  comme  on  la  voit  en  la  Papaute?  Voila  le  Pape  qui  a  usurpe  une  primaute  universelle  sur  tout  le  monde:  car  il  faut  qu'il  y  ait  un  chef,  dit-il:  Voire,  comme  si  Iesus  Christ  estoit  aboli,  lequel  a  este  constitue  chef  par  dessus  tous  hommes  et  Anges,  mais  le  Pape  veut  succeder  en  la  place  du  Fils  de  Dieu.  Or  cependant  s'il  cognoissoit  que  c'est  de  dominer  sur  tout  le  monde:  n'auroit-il  point  horreur  de  prendre  a  soy  une  charge  si  impossible?  mais  il  ne  luy  a  rien  couste  de  se  dire  chef  general,  et  d'estendre  ses  ailes  par  tout.  Voila  donc  l'arrogance  diabolique  qui  a  este  cause  de  rompre  et  diviser  l'ordre  que  Dieu  avoit  institue,  comme  sainct  Paul  en  parle  au  quatrieme  des  Ephesiens,  quand  il  dit  que  nostre  Seigneur  Iesus  Christ  est  monte  au  ciel  pour  remplir  tout,  et  cependant  qu'il  n'a  pas  destitue  son  Eglise  :  car  il  a  ordonne  des  Pasteurs,  dit-il,  et  gens  qui  fuissent  pour  enseigner.  Or  il  adiouste  que  cela  est  selon  la  mesure  d'un  chacun  membre,  afin  que  nous  croissions  tous,  et  que  Iesus  Christ  domine  par  dessus  nous  en  lieu  souverain.  Voila  sainct  Paul  qui  distribue  les  offices,  tellement  qu'il  faut  que  chacun  en  ait  sa  portion:  pource  qu'il  n'y  a  homme  qui  puisse  faire  le  tout.  Or  voila  cest  ordre  qui  doit  estre  inviolable,  dissipe  par  l'orgueil  diabolique  du  Pape.  Et  puis  toute  sa  sequelle,  et  ceste  vermine  de  clerge  l'a  ensuivy:  car  il  n'est  point  question  que  nul  pense  a  sa  charge.  Quand  ils  attrappent  leurs  benefices,  regardent-ils  que  Dieu  les  appelle  a  ceste  condition,  qu'ils  auront  a  rendre  conte  des  ames  qui  leur  sont  commises?  Il  n'est  question  que  de  savoir  combien  un  benefice  vaut,  et  puis  il  y  a  la  pompe  et  le  credit  quant  et  quant:  ils  se  donnent  donc  toute  licence.  On  verra  ceux  qui  sont  non  seulement  Evesques,  mais  Archeves-