8:630  missionem  revocat,  sine  qua  nihil  omnino  est  fides.  Sicuti  etiam  4.  ad  Romanos  cap.  (v.  14)  satis  aperte  testatur  [pag.  241]  his  verbis:  Si  ex  lege  est  haereditas,  exinanita  est  fides  et  abolita  promissio.  Si  operum  meritis  nitatur  salus  nostra,  Paulus  admonet  non  modo  nihil  fore  certum,  vel  stabile,  sed  totam  eius  fidem  prorsus  concidere.  Unde  hoc  probat?  Quia  scilicet  abolita  sit  promissio.  Videant  Serveti  discipuli  quomodo  suum  magistrum  Paulo  concilient.  Nam  illo  autore,  promissione  collapsa,  manet  tamen  firma  et  recta  fides:  imo  non  exspectat  dum  ullum  amoris  sui  signum  ostendat  Dominus,  sed  posthabita  eius  voluntate  satis  habet  confuse  loquentem  audire.  Hic  vero  simul  ac  labascit  promissio,  fidem  evanescere  docet.  Itaque  1.  ad  Ephes.  cap.  (v.  13)  adoptionis  spiritum,  quo  filii  Dei  efficimur,  promissioni  alligat,  hoc  epitheto  ipsum  insigniens,  quod  sit  promissionis  spiritus.  Iam  quum  fides  fructus  sit  spiritus,  eius  naturae  repugnare  palam  est  quod  Servetus  inducit  dissidium.  Eadem  ratione  4.  ad  Galatas  capite  (v.  28)  dicit  nos  promissionis  esse  filios  secundum  Isaac.  Ubi  nunc  erit  haereditas  Serveti,  quum  sola  promissio  nobis  ianuam  aperiat  regni  coelorum?  Similiter  2.  ad  Ephesios  capite  (v.  12),  spem  nonnisi  a  promissione  manare  ostendit,  ideoque  extraneos  esse  a  foedere  Domini,  qui  in  eius  promissionem  non  recumbunt.  Eodem  modo  ut  nobis  constet  spes  aeternae  vitae,  2.  ad  Timotheum  4.  nos  in  promissione  continet.  *)  Primo  etiam  cap.  ad  Titum  (v.  2),  non  simpliciter  repositam  nobis  in  coelo  salutem  esse  dicit:  sed  ut  sciamus  ad  nos  pertinere,  simul  addit  ab  .eo  esse  promissam  qui  mentiri  nequit.  Atqui  Servetus  Epist.  10.  me  accusat  quod  pertinaciter  defendens,  neminem  sine  promissione  iustificari  posse,  Christi  fidem  callide  [pag.  242]  dissimulem.  Quid  hoc  rei  est?  An  apparuit  mundo  Christus,  ut  Dei  promissiones  exstingueret?  Mihi  vero  longe  potior  est  apostoli  autoritas,  qui  Romanorum  15  (v.  8)  ministrum  circumcisionis  esse  dicit  ad  promissiones  implendas  quae  patribus  datae  fuerant.  Illustrior  etiam  exstat  sententia  2.  ad  Corinthios  primo  (v.  20),  quod  omnes  Dei  promissiones  in  Christo  ipso  sunt  Etiam  et  Amen.  Paulus,  ut  nobis  thesauros  gratiae  Dei  per  Christum  allatos  explicet,  totam  eius  virtutem  totumque  officium  Dei  promissionibus  individuo  nexu  copulat.  Denique  totam  Christi  fidem  aedificat  in  promissionibus  sine  quarum  neglectu,  secundum  Servetum,  Christo  non  rite  creditur.  Atqui  Paulo  concinunt  omnes  sanctorum  voces.  Hanc  Zacharias  causam  oblatae  in  Christo  salutis  assignat,  quia  loquutus  fuerat  Deus  ad  patres.  Dei  misericordiam  1)  Fortasse  respicit  ad  1.  Tim.  4,  8.  40*