7:630  qui  baptizati  fuerint,  ut  pleni  Christiani  inveniantur:  quoniam  Christianos  esse  negat,  nisi  qui  oleo  episcopali  inuncti  fuerint.  Hoc  esse  ecclesiae  decretum,  pro  confesso  sumunt  mediatores,  [pag.  135]  Quid  ergo  et  apostolis  et  martyribus  universis  fiet,  qui  nunquam  oleati%  fuerunt?  Imo  quid  nobis  fiet,  si  alium  quam  ipsi  habuerint,  christianismum  appetimus?  Neque  enim  tam  in  illos  contumeliosum  est,  quam  nobis  exitiale  hoc  dogma,  quod  nos  ab  eorum  societate  avellit.  Aliam  quoque  diabolicam  sententiam,  quam  evomit  concilium,  nominatim  confirmant  mediatores:  tametsi  paulo  verecundius  loquuntur.  Sed  quid  refert,  quum  in  eundem  utrique  finem  spectent?  Haec  summa  est:  nos  in  baptismo  regenerari  ad  vitam  :  confirmatione  ad  pugnam  instrui.  Hoc  autem  quid  aliud  est,  quam  spoliare  baptismum  dimidia  virtutis  suae  parte?  Nam  si  illic  induimus  Christum,  si  in  similitudinem  mortis  eius  inserimur,  ut  carni  mundoque  mortui  resurgamus  in  vitae  novitatem,  quae  perpetuo  duret:  quis  non  videt  mediatores  ad  commentitiam  suam  unctionem  *)  transferre,  quod  sub  baptismo  continebatur?  Nostrum  ergo  est,  vitam  potius  nostram  centies  opponere,  quam  ut  baptismum  nostrum  ita  lacerari  taciti  ac  dissimulantes  sinamus.  Sacramentum  poenitentiae  iam  aliqua  ex  parte  excussimus,  de  confessione  disserendo.  Tantum  in  praesentia  hoc  attingam,  atrocem  fieri  iniuriam  Deo,  quum  sacramenti  nomen  absolutioni,  qualem  necessariam  esse  fingunt,  imponitur.  Omitto  quod  ita  perniciosus  laqueus  iniicitur  conscientiis,  quum  ad  obtinendam  peccatorum  remissionem  confitendi  praescribitur  necessitas.  Hoc  iam  alibi  dictum  est.  Sed  quod  hominis  cum  Deo  reconciliationem  obsignari  absolutionis  caeremonia  volunt,  hoc  nimis  arroganter  T^pag.  136]  ab  hominibus  fieri  dico.  Unde  enim  tanta  licentia,  ut  signum  fabricent  suo  arbitratu,  quod  mox  pignus  sanciendae  salutis  esse  iubeant?  Deus  peccatorum  remissionem  nobis  promittit:  de  caeremonia,  nullum  verbum.  Isti  ad  sacerdotem  nos  ablegant,  qui  manus  agitatione  nobis  testetur  peccata  esse  remissa.  Quasi  penes  eos  sit,  mortis  Christi  virtutem  suis  placitis  affigere.  Ergo  quanti  aestimamus  peccatorum  remissionem,  tam  serio  contendere  nos  decet,  ne  a  ritu  humanitus  invento  suspendatur  eius  fides.  Unctionem,  quam  sanandis  aegrotis  adhibuerunt  apostoli,  sicut  fatemur  fuisse  sacramentum,  ita  negamus  ad  nos  pertinere:  quia  pro  ratione  gratiae  cui  serviebat  temporale  fuit.  Donum  sa-  1)  leur  huile  empreinte  au  pressok  de  leur  imagination.  40*