5:630  son  sceu,  affin  que  devant  tous,  ou  les  vices  des  mauvais  soyent  decouvers,  ou  les  merites  des  bons  soyent  eongneuz,  et  ainsi  que  la  promotion  soit  iuste  et  legitime,  quand  elle  aura  este  examinee  par  la  voix  et  iugement  de  tous.  [fol.  142]  La  maniere  est  diligemment  exposee  par  Iustinien  en  ses  constitutions  nouvelles:  Quomodo  oporteat  Episcopos.  Item,  de  sanctissimis  Episcopis,  laquelle  forme  il  fauldra  suyvre.  Il  y  a  doncques  aussi  bien  en  cest  endroict  un  gros  abuz,  que  les  promotions  se  font  sans  examen:  car  excepte  quelques  parolles  frivoles,  on  n'observe  rien  de  tout  cela.  Les  suifragans,  qui  en  font  l'office,  interroguent  bien  par  trois  fois  touchant  ceulx  qu'ilz  veulent  promouvoir:  sont  ilz  iustes,  sont  ilz  dignes?  il  y  a  quelques  gens  apostez  qui  respondent:  ilz  sont  iustes,  ilz  sont  dignes:  mais  ce  sont  gens  qui  ne  les  congnoissent.  Parquoy  c'est  pure  moquerie  de  tout  ce  qui  s'y  faict,  et  un  pariure  en  chose  si  digne  et  si  sacree.  Il  est  doncques  besoing  d'oster  un  tel  abuz,  et  remettre  en  usage  la  forme  et  severite  de  bien  et  deuement  examiner,  comme  elle  est  declaree  aux  Canons  et  autentiques.  De  la  forme  d'ordonner  en  office  Ecclesiastique.  Les  Canons  anciens  commandent  que  chascun  Evesque  ordonne  ses  clercs,  et  chascun  metropolitain  ses  Evesques,  non  pas  luy  seul,  mais  avec  les  Evesques  de  la  province,  ou  pour  le  moins  deux  d'entre  eulx.  Que  si  le  metropolitain  estoit  absent,  lors  ilz  veullent  que  pour  le  moins  trois  Evesques  des  plus  prochains,  facent  l'ordination,  en  telle  sorte  neantmoins,  qu'ilz  n'ordonnent  sinon  celuy  qu'ilz  auront  trouve  digne  et  propre  par  examen  legitime.  Et  ceste  estoit  anciennement  la  confirmation  des  Evesques,  dont  il  est  parle  en  plusieurs  Conciles.  1)  C'est  donc  un  abuz,  que  le  Pape  s'attribue  la  puissance,  de  promouvoir  tous  Prestres,  quand  il  en  est  requis,  et  de  confirmer  tous  les  Evesques.  Parquoy  il  fauldra  restituer  a  un  chascun  Evesque  la  promotion  de  son  clerge,  aux  metropolitains  et  Evesques  voisins,  l'ordination  et  confirmation  des  Evesques,  [fol.  143]  et  les  astraindre  a  ceste  loy,  dc  ne  ordonner  ou  confirmer  nul,  qui  ne  soit  deuement  esprouve,  et  approuve,  par  examen  canonicque.  Et  pource,  qu'ordonner  Evesques  ou  Prestres,  c'est  les  deputer  a  certain  ministere  ecclcsiasticque,  pour  s'y  employer  fidelement:  on  ne  doit  nullement  1)  Au  concile  de  Nice  c.  4;  de  Carthage  c.  13;  de  Chalcedoine  c.  27;  de  Sardice  c.  6.  40*