49:630  ment  il  ait  prins  un  corps  mortel,  mais  qu'il  ait  prins  nos  infirmitez,  excepte  Peche,  afin  d'avoir  pitie  et  compassion  de  nous,  que  neantmoins  cela  ne  defrogne  point  a  la  Maieste  celeste  qu'il  a  tousiours  eue.  Car  c'est  ce  celuy  par  lequel  le  monde  a  este  cree:  et  alors  il  n'estoit  pas  encores  homme:  mais  par  la  mort  et  passion  qu'il  devoit  endurer,  outre  ce  qu'il  est  Dieu  eternel,  il  a  de  tout  temps  reconcilie  les  hommes  a  Dieu  son  Pere,  et  leur  a  fait  obtenir  grace  et  salut.  Et  de  faict,  l'Ange  qui  gouvernoit  le  peuple,  a  este  nomme  du  nom  essentiel  de  Dieu  (comme  on  parle)  c'est  a  scavoir  le  Createur,  le  Souverain,  celuy  qui  est.  Voyla  donc  comme  nostre  Seigneur  Iesus  Christ  se  nomme.  Et  toutesfois  il  est  nomme  Ange.  Et  comment  cela?  ll  semble  que  ce  sont  deux  choses  contraires:  car  Ange  signifie  Messager:  et  un  messager  de  qui  sera  il  envoye,  sinon  d'un  plus  grand?  Si  Iesus  Christ  est  Dieu  souverain,  s'il  est  Createur  du  monde,  et  qu'est-ce  qu'on  l'appelle  cependant  Messager?  Voire:  mais  il  faut  considerer  en  luy  ceste  essense  divine,  et  puis  l'office  du  Mediateur  qui  estoit  desia  ordonne  pour  reconcilier  les  hommes  a  Dieu.  Il  faloit  que  le  peuple  cognust  qu'il  ne  pouvoit  estre  agreable  a  Dieu,  sinon  que  Dieu  n'ayant  point  esgard  a  leurs  pechez,  les  receust  a  merci,  et  deployast  sa  bonte  paternelle  envers  eux,  encores  que  Iesus  Christ  ne  fust  point  apparu.  Voyla  donc  comme  d'un  coste  Iesus  Christ  est  appele  Createur  et  Dieu  souverain:  de  l'autre  coste  il  est  appele  Messager:  voire  faisant  cest  office  auquel  il  a  este  choisi,  c'est  ascavoir  qu'il  moyene  entre  Dieu  et  les  hommes.  Voyla  en  quelle  sorte  il  a  este  gouverneur  du  peuple,  et  les  a  conduits  par  le  desert,  et  que  c'est  par  son  moyen  qu'ils  ont  tout  obtenu.  Or  maintenant  ne  doutons  pas  que  nostre  Seigneur  Iesus  Christ  ne  preside  sur  nous  en  une  vertu  plus  manifeste  qu'alors,  moyennant  que  nous  le  puissions  souffrir.  Car  quand  il  a  vestu  nostre  nature,  il  a  eu  ce  nom  nouveau  qui  luy  est  impose  au  Prophete  Isaie,  Emmanuel,  c'est  a  dire  Dieu  avec  nous.  Il  est  vray  que  desia  auparavant  ce  titre  luy  estoit  convenable:  car  il  habitait  au  milieu  du  peuple,  il  estoit  le  Chef  de  l'Eglise,  et  les  Iuifs  estoyent  comme  appastelez  de  sa  main  :  sa  vertu  se  monstroit  assez  patente,  et  d'une  facon  familiere.  Mais  quoy  qu'il  en  soit,  quand  il  doit  estre  envoye  pour  accomplir  ce  qui  estoit  requis  au  salut  des  hommes,  il  ha  ce  titre  qui  luy  est  impose  de  nouveau,  Dieu  avec  nous:  pour  signifier  que  les  Peres  anciens  n'ont  pas  eu  une  si  parfaite  union  avec  luy  que  nous  l'avons  en  l'Evangile.  Or  cependant  cela  nous  doit  servir  d'une  resiouissance  inestimable,  quand  le  Fils  de  Dieu  s'est  ainsi  conioint  a  nous  et  nous  a  luy.  D'autre  coste  nous  devons  bien  cheminer  en