48:630  est  vray  que  de  telles  gens  ne  rendront  point  la  parolle  de  Dieu  inutile  ne  sans  vertu,  mais  il  faudra  qu'ils  la  sentent  comme  un  feu  consumant,  pour  estre  reduits  en  cendre  et  a  neant  du  tout.  Apprenons  donc  de  noter  pourquoy  Dieu  a  voulu  que  son  sainct  Esprit  apparust  en  langues  de  feu:  c'a  este  a  ce  que  les  fideles  cognussent  qu'ils  ont  besoin  d'estre  touchez  au  vif,  voire  tellement  que  Dieu  les  change  et  les  renouvelle.  Voyla  donc  co  que  nous  avons  a  retenir  en  somme  pour  bien  applicquer  ceste  histoire  a  nostre  usage.  Mais  outre  cela  notons  les  deux  principales  parties  de  la  foy,  et  puis  venons  a  nous  pour  scavoir  ce  que  nous  serions  sinon  que  Dieu  y  besongnast.  En  la  foy  il  y  a  premierement  la  cognoissance  et  la  certitude,  et  puis  il  y  a  la  fermete  et  constance.  Or  quand  Dieu  parlera  nous  sommes  sourds  a  ce  qu'il  dira,  pource  que  desia  nous  sommes  preoccupez  de  ce  monde,  et  mesmes  toute  la  sagesse  contenue  en  l'Evangile  nous  sera  iolie  iusques  a  ce  que  Dieu  nous  ait  illuminez.  Il  faut  donc  en  premier  lieu  que  Dieu  nous  donne  ouverture  pour  le  cognoistre  et  adherer  a  ceste  verite,  ou  autrement  nous  serons  sourds  a  sa  Parolle,  nous  serons  stupides  et  sans  aucune  apprehension.  Voyla  pour  un  item.  Pour  le  second  nous  avons  besoin  de  tenir  bon  contre  les  assaux  que  Satan  nous  dresse,  et  contre  tant  d'escarmouches:  la,  il  faut  que  nous  soyons  armez  et  munis.  Or  comment  cela  sera-il  iusques  a  ce  que"4  Dieu  y  ait  mis  la  main?  Il  n'y  a  que  la  seule  vertu  du  S.  Esprit  qui  puisse  suffire  a  cela.  Quand  donc  nous  aurons  este  cent  fois  enseignez  en  l'Evangile,  si  est-ce  que  selon  que  nous  sommes  legers  et  volages,  nous  en  serions  bientost  destournez,  sinon  que  Dieu  nous  y  confermast.  Et  mesmes  auiourd'huy  qu'il  y  a  tant  de  perils  et  de  menaces,  et  que  les  povres  fideles  ne  peuvent  ouvrir  la  bouche  pour  invoquer  Dieu,  qu'incontinent  la  mort  ne  leur  soit  prochaine  :  qu'ils  ne  peuvent  faire  confession  de  leur  foy,  que  le  feu  ne  soit  allume  pour  abolir  toute  memoire  de  nostre  Seigneur  Iesus  Christ.  Quand  donc  il  y  a  une  telle  resistance,  et  que  ceux  qui  deveroyent  maintenir  la  foy  Chrestienne  sont  enflammez  de  Satan  pour��  ruiner  tout,  s'il  leur  estoit  possible,  ne  faut-il  pas  que  Dieu  besongne  yci?  Et  pourtant  nous  sommes  auiourd'huy  assez  solicitez  par  l'experience,  et  advertis  quel  besoin  nous  avons  de  prattiquer  ce  qui  est  contenu  en  ceste  histoire,  et  sur  cela  invoquer  Dieu  et  le  prier  que,  tout  ainsi  qu'il  a  voulu  nous  rendre  tesmoignage  quand  l'Evangile  est  venu  au  monde,  d'autant  qu'il  y  a  besongne  par  la  vertu  de  son  sainct  Esprit,  qu'aussi  nous  le  sentions,  chacun  en  son  endroit.  Or  tout  ainsi  qu'il  nous  faut  estre  persuadez  et  resolus  que  la  parolle  qui  nous  est  preschee  ne  procede  point  des  hommes*  40*