25:630  pour  corriger  toute  ambition,  et  toute  folle  hautesse  en  nous:  c'est  assavoir,  que  nous  examinions  bien  nostre  portee,  et  lors  nous  saurons  que  plustost  il  nous  faudroit  ramper  bas  en  terre,  que  d'appetter  ceste  grandeur  pour  dominer  sur  nos  prochains.  Voila,  di-ie,  les  deux  regards  qui  peuvent  abbaisser  l'orgueil  et  folle  cupidite  de  dominer:  l'un  est,  que  nous  sachions  que  d'autant  plus  qu'un  homme  sera  esleve,  il  est  oblige  aussi  et  a  Dieu,  et  a  ceux  sur  lesquels  il  preside,  comme  il  n'y  a  nulle  preeminence  sans  charge,  voire  sans  servitude  ainsi  que  nous  avons  dit.  Voila  pour  un  item.  Mais  il  nous  faut  aussi  avoir  memoire  que  nous  ne  pouvons  rien,  tant  s'en  faut  que  nul  se  trouve  suffisant  pour  porter  un  gros  fardeau:  qu'on  ne  nous  sauroit  donner  si  peu  de  commission,  que  cela  ne  soit  pour  nous  faire  plier  les  espaules,  voire  courber:  car  nostre  infirmite  est  si  grande,  que  chacun  qui  s'esprouvera  bien  sans  hypocrisie,  et  sans  se  flatter,  verra  qu'il  ne  peut  rien  quasi  du  tout.  Si  donc  nous  pensons  bien  a  une  telle  debilite,  nous  serons  restraints  comme  en  bride,  pour  ne  point  aspirer  si  haut:  car  que  s'ensuit-il  sinon  toute  confusion,  quand  les  hommes  veulent  estre  honorez,  et  cependant  ne  se  veulent  acquitter  de  leur  devoir,  mais  plustost  se  font  la  comme  des  Idoles?  Et  au  reste,  qu'ils  ne  regardent  point  aussi  a  ce  qui  leur  est  donne  de  faculte.  Au  reste,  il  nous  faut  aussi  noter  pour  le  troisieme,  que  Moyse,  combien  qu'il  voye  la  charge  trop  pesante  pour  luy,  ne  s'exempte  point  du  tout  de  sa  vocation  pour  quitter  l'office  que  Dieu  luy  avoit  commis,  mais  il  demande  d'estre  aide  et  secouru,  disant:  Qu'on  elise  gens:  et  ceci  est  bien  a  noter:  car  il  y  peut  avoir  deux  extremitez  vicieuses:  l'une  est  celle  que  nous  avons  desia  condamnee:  c'est  assavoir,  que  les  hommes  ne  regardent  point  a  leur  petitesse,  mais  il  leur  semble  qu'il  ne  leur  coustera  rien  de  dominer:  et  voila  qui  leur  donne  ceste  temerite  et  audace  d'embrasser  plus  qu'ils  ne  peuvent,  et  ils  se  voyent  confus  en  la  fin,  mais  c'est  trop  tard.  Il  y  a  donc  ceste  folle  outrecuidance,  que  quand  les  hommes  s'oublient,  et  ne  pensent  point  a  leur  foiblesse,  ils  entreprennent  par  trop:  et  de  si  folles  entreprinses  il  n'en  peut  venir  que  mal,  d'autant  que  Dieu  les  en  punit.  Or  il  y  a  l'autre  extremite  mauvaise,  c'est  quand  les  hommes  se  sont  rendus  pusillanimes,  lors  qu'ils  voyent  qu'ils  sont  fragiles  tant  et  plus:  et  puis  d'autre  coste,  si  Dieu  les  appelle  a  quelque  estat,  ils  retirent  les  espaules,  pource  qu'ils  voyent  la  charge  estre  trop  difficile  pour  eux,  et  se  voudroyent  exempter  du  ioug,  et  fuir  la  vocation  de  Dieu.  Voila  donc  un  vice,  duquel  il  nous  faut  garder.  Mais  il  y  a  le  moyen  entre  deux,  c'est  quand  nous  voyons  que  la  difficulte  surmonte  nostre  vertu,  que  nous  avisions  d'en  prendre  selon  nostre  portee,  et  de  nous  me-  40*