9:63  63  SECUNDA  DEFENSIO  64:  lostadium  dixi  male  interpretatum  Christi  verba:  mecum  in  eo  tu  consentis.  Quid  ergo  attinet  ex  repugnantia,  quae  tecum  mihi  communis  est,  crimen*  fingere?  Tertio  loco  venerandum  fratrem  nostrum  Ioannem  a  Lasco  impetit,  quia  dicat  demonstrativo  pronomine  totam  actionem  notari.  Quasi  vero  promptum  non  sit,  Lutheri  quoque  patrocinio  hoc  defendere.  Panis  Luthero  extra  usum  sacrae  coenae  non  nisi  panis  est:  ac  proinde  articuli  demonstratio  l)  intra  actionis  metas  includitur.  Ergo  eadem  doctrina  in  ore  Lutheri  vim  oraculi  obtinebit:  si  aliunde  profecta  fuerit,  haereseos  notam  incurret?  Quarto  loco  in  Oecolampadium  invehitur,  qui  pronomen  Quod  in  Christi  verbis  non  relative  sed  causaliter  accipit.2)  Quasi  vero  nefas  sit  interpreti,  crassiore,  ut  aiunt,  Minerva  explicare  [pag.  38]  quod  alioqui  molestiam  frustra  parit.  Dixit  Oecolampadius,  nunc  fidelibus  edendum  offerri  corpus  Christi,  quatenus  semel  traditum  est  ad  expianda  peccata:  nempe  ut  sciremus  priores  sacrificio  partes  ascribi:  nunc  rogat  Westphalus,  quid  igitur  Matthaeo  et  Marco  fiet,  apud  quos  relatio  non  additur?  Quasi  vero  brevitas  illa,  quod  praecipuum  est  in  legitimo  coenae  usu,  tollat.  Certe  Paulus  antequam  nos  ad  epulandum  hortetur,  docet  pascha  nostrum  esse  immolatum  (1  Cor.  5,  7).  Fateor  quidem  illic  de  coena  eum  non  agere:  sed  quum  eadem  sit  ratio,  quorsum  sancto  viro  exprobrat  Westphalus,  quod  hanc  qualitatem,  sine  qua  perit  nobis  coenae  utilitas,  prudenter  notaverit?  Haec  scilicet  ratio  est,  cur  inflatis  tibiis'  exclamet:  Quo  colore  pingent,  quo  fuco  excusabunt  sacramentarii  manifestam  antilogiam?  Ego  vero  respondeo  neminem  tam  esse  oculatum,  qui  somnia  tua  videat.  Quia  vero  videt  se  nondum  adeptum  esse  quod  volebat,  vel  saltem  non  praestitisse  quod  erat  professus,  mutila  quaedam  verba  in  acervum  congerit,  panem  coenae  nunc  vocari  a  nobis  carnem,  nunc  figuram  corporis,  nunc  passionem,  nunc  mortem,  nunc  memoriale  passionis,  alias  [pag.  39]  fidem,  alias  vigorem,  alias  virtutem  Christi,  alias  merita,  alias  qualitatem  corporis,  alias  actionem  et  formam  coenae:  item  societatem  ecclesiae,  ius  in  participando  corpore  Christi,  festum,  et  multa  alia.  Quid  hoc  homine  facias,  qui  in  sensum  reprobum  coniectus  se  effutire  non  sentit,  quae  detestabilem  omnibus  reddant  eius  malitiam?  Brevis  enim  et  expedita  solutio  est,  diversis  loquendi  formis  sine  ulla  repugnantia  describi  in  quem  finem  panis  vocetur  corpus.  Quod  praecipuum  quaestionis  statum  esse  dicit  de  sensu  verborum  Christi:  Hoc  est  corpus  meum,  1)  ce  mot:  ceci.  2)  qui  a  dit  qu'es  parolles  de  Christ  ce  mot  Lequel  ou  Qui  ne  se  prend  pas  pour  raporter  simplement  le  corps,  mais  rend  raison  du  precedent.