8:63  63  DE  SCANDALIS.  doctrinae  nostrae  triumphos  quotidie  spectet.  Ipsi  quoque  adversarii,  quamvis  dissimulent,  insania  tamen  rumpuntur,  quod  homines  prius  intemperantiae,  lasciviis,  impudicitiae,  vanis  mundi  pompis,  avaritiae,  rapinis  deditos,  nunc  ad  sobrietatem,  continentiam,  castitatem,  modestiam,  aequitatem  compositos  esse  vident.  Quod  si  quaeruntur  qui  continuum  vitae  tenorem  per  virtutes  et  praeclaram  famam  duxerint:  neque  optimo  talium  numero  destituimur.  Possem  satis  multos  nominare  qui  summa  laude  in  papatu  olim  praestantes,  ex  quo  divinitus  pura  evangelii  cognitione  donati  sunt,  vivam  nunc  virtutum  imaginem  in  vita  sua  exprimendo  umbram  se  tantum  antehac  habuisse  ostendunt.  Sed  ne  hic  sermo  propter  aliquam  iactantiae  speciem  sit  odiosus,  breviter  concludam:  [pag.  81]  si  quos  permovent  exempla,  virorum  simul  ac  mulierum,  non  minus  morte  quam  vita  testata  singularis  pietas,  iustitia,  castitas,  temperantia,1)  multo  plus  ad  fidei  confirmationem  valere  debent,  quam  nocere  incompositam  aliorum  vitam  aequum  sit.  Iam  ad  ultimam  scandalorum  classem  transeamus,  quam  partim  ex  fictis  calumniis  constare  dixi,  partim  ex  malignis  cavillationibus  prodire,  quas  praeposteri  homines  longe  petitas  in  evangelium  iniuste  torquent.  De  calumniis  hoc  praefari  libet:  non  mirum  esse,  si  eas  improbi  homines  procul  spargendo  fidem  doctrinae  nostrae  apud  simplices  subvertere  moliantur.  Nec  vero  communi  servorum  Dei  lege  nos  eximi  convenit.  Non  erat  certe  Paulus  tam  morosus,  ut  querimonias  illas  frustra  ederet,  quae  passim  exstant  in  eius  scriptis.  Multa  pro  sua  prudentia  tacebat,  multa  ignoscebat  pro  sua  modestia,  multa  pro  animi  sui  magnitudine  tacitus  devorabat:  et  videmus  tamen  quoties  se  per  ecclesias  odiose  fuisse  traductum  queratur.  De  sinistris  obtrectationibus  loquor,  quibus  malevoli  absentem  et  inscium  apud  nimium  credulos  rerumque  et  veri  ignaros  gravabant.  Nam  apertis  calumniis  palam  impetitos  fuisse  Dei  servos,  adeoque  filium  ipsum,  plus  satis  notum  est.  Verum  Satan,  ubi  aperto  marte  nihil  se  proficere  videt,  piorum  famam  quasi  per  cuniculos  clam  adoritur.  Quum  itaque  procul  in  longinquis  regionibus  duram  militiam  Paulus  obiret,  quum  per  mille  discrimina  tenderet  ad  promovendum  Christi  regnum,  assiduos  haberet  cum  variis  hostibus  conflictus,  huc  et  illuc  cursitando  gentes  locorum  spatiis  longe  divisas  colligere  studeret  in  fidei  unitatem:  ignavi  et  nihili  susurrones  eum  alibi  indignis  criminibus  onerabant.  Quis  nostrum  sibi  intactam  [pag.  82]  ab  omni  improborum  morsu  famam  postulet,  quum  ne  Paulum  quidem  sua  integritas  tutari  potuerit?  Imo,  quod  se  fecisse  testatur  (2  Cor.  6,  8),  pergamus  infracto  animo  per  1)  attrempance.