58:63  63  QUATRIEME  SERMON  64  tousiours  on  cognoisse  cela,  afin  qu'on  s'assuiettisse  a  une  telle  condition.  Et  au  reste,  quoy  qu'il  en  soit,  sachons  que  Dieu  ne  laissera  pas  son  oeuvre  qu'il  ne  l'amene  a  sa  droite  perfection,  combien  que  cela  ne  soit  point  cognu  des  hommes  du  premier  coup:  car  aussi  il  ne  le  faut  pas,  et  ne  seroit  pas  utile.  Au  reste,  si  Dieu  donne  quelque  signe  qu'il  nous  a  choisis  a  soy,  que  cela  se  demonstre  depuis  nostre  enfance,  nous  avons  dequoy  l'en  glorifier  tant  plus:  car  d'autant  que  sa  grace  a  plus  longue  estendue,  elle  merite  aussi  plus  de  louange:  mais  si  pour  un  temps  nous  demeurons  comme  reprouvez,  et  que  Dieu  ne  face  point  semblant  d'avoir  aucun  esgard  a  nous:  mais  plustost  que  nous  sommes  mis  comme  en  oubli,  et  en  la  fin  qu'il  nous  rappelle,  et  qu'il  nous  retire,  quand  nous  aurons  long  temps  este  egarez:  en  cela  aussi  nous  aurons  occasion  de  le  glorifier  au  double.  Bref,  comme  que  il  besongne  en  nous,  il  faut  que  nous  aions  tousiours  la  bouche  ouverte,  pour  recognoistre  sa  bonte  et  sa  misericorde.  Il  y  en  a  d'aucuns,  qui  des  leur  enfance  monstreront  que  Dieu  les  a  retenus,  comme  s'il  leur  tendoit  la  main,  s'il  les  mettoit  la  en  avant  pour  dire,  Ceux-ci  sont  miens:  et  de-fait,  ils  ont  des  leur  enfance  bonne  instruction,  et  puis  elle  profitera  en  eux,  tellement  que  on  verra,  Voila  une  semence  de  Dieu.  Or  ceux  la  (comme  i'ay  dit)  sont  bien  tenus  de  recognoistre  que  Dieu  les  a  privilegiez  d'autant.  Car  qu'ont-ils  non  plus  que  les  autres?  Nous  sommes  tous  corrompus  en  Adam.  Ainsi  donc,  quand  Dieu  les  conduit  d'un  fil  continuel,  depuis  leur  naissance  iusques  a  leur  vieillesse,  tant  plus  sont-ils  obligez  a  lui.  Mais  il  y  en  a  d'autres  qui  sont  comme  povres  creatures  et  miserables:  on  diroit  que  Dieu  les  a  du  tout  reboutez  :  et  les  uns  sont  dissolus  en  leur  ieunesse,  les  autres  sont  povres  idolatres:  et  quelque  devotion  qu'ils  aient,  neantmoins  c'est  tousiours  pour  s'aliener  tant  plus  de  Dieu,  et  pour  provoquer  son  ire,  mesme  ils  seront  quelque  fois  ennemis  de  toute  verite:  comme  nous  en  voions  l'exemple  en  saint  Paul,  lequel  a  este  une  beste  sauvage,  pour  espandre  le  sang  innocent,  il  n'a  cerche  sinon  a  dissiper  comme  un  loup  ravissant,  toutes  les  Eglises.  Voila  les  Corinthiens  qui  ont  este  paillards  et  adonnez  a  toutes  vilenies,  comme  saint  Paul  le  remonstre:  autant  en  est-il  des  Romains.  Vous  estiez  le  temps  passe  (ditil)  et  paillards,  et  yvrongnes,  et  adonnez  a  rapines,  et  a  fraudes,  tous  vos  membres  s'appliquoient  a  mal,  et  au  service  de  pecho.  Et  puis  il  dit  aux  Ephesiens,  Vous  avez  este  autre-fois  sans  Dieu,  sans  esperance  de  vie:  vous  estiez  tenebres  du  tout,  vous  estiez  en  la  mort  eternelle.  Or  quand  nostre  Seigneur,  pour  nous  humilier,  aura  permis  que  nous  soions  ainsi  espars  pour  un  temps,  et  puis  soudain  il  nous  appelle  a  soy,  que  nous  cognoissions,  helas,  non  seulement  il