56:63  GENESE.  64  de  Dieu?  ie  vous  supplie  racontez-les  moy.  9.  Et  le  maistre  sommelier  raconta  son  songe  a  Ioseph,  luy  disant,  II  rue  sembloit  en  son  geant  que  ie  voyoye  une  vigne  devant  moy.  10.  Et  qu'en  la  vigne  il  y  avoit  trois  ceps:  or  elle  estoit  comme  bourgeonnante,  et  sa  fleur  sortoit,  et  ses  grappes  de  raisins  deveinrent  meures.  l  l  .  Et  la  coupe  de  Pharao  estoit  en  ma  main,  et  prenoye  les  raisins  et  les  pressoye  en  la  coupe  de  Pharao,  et  bailloye  la  coupe  en  la  main  d'iceluy.  12.  Et  Ioseph  luy  dit,  L'interpretation  est  telle,  Les  trois  ceps,  sont  trois  iours.  13.  D'ici  a  trois  iours  Pharao  haussera  ta  teste,  et  te  fera  retourner  en  ton  estat,  et  presenteras  la  coupe  k  Pharao  en  sa  main  selon  le  premier  office  quand  tu  estois  son  sommelier.  14.  Mais  aye  en  toy  recordation  de  moy,  quand  il  te  sera  bien  fait:  et  te  prie  que  tu  me  faces  misericorde,  et  que  faces  mention  de  moy  vers  Pharao,  et  me  fais  sortir  de  ceste  maison-ci.  15.  Car  i'ay  furtivement  este  desrobbe  du  pays  des  Hebrieux:  et  aussi  n'ay-ie  rien  fait  ici,  dont  on  me  deust  mettre  en  chartre.  16.  Adonc  voyant  le  maistre  panetier  que  l'interpretation  estoit  bonne,  dit  a  Ioseph,  Touchant  moy,  en  mon  songe  il  m'estoit  avis  qu'il  y  avoit  trois  corbeilles  blanches  sur  ma  teste.  17.  Et  en  la  plus  haute  corbeille  y  avoit  de  toutes  viandes  pour  Pharao  du  mestier  de  boulengerie,  et  les  oiseaux  les  mangeoyent  de  la  corbeille  qui  estoit  sur  ma  teste.  18.  Et  Ioseph  respondit,  disant,  Voici  sa  declaration:  les  trois  corbeilles  sont  trois  iours.  19.  D'ici  a  trois  iours  Pharao  haussera  ta  teste  de  dessus  toy,  et  te  pendra  au  bois,  et  les  oiseaux  mangeront  ta  chair  de  dessus  toy.  20.  Et  adveint  au  troisieme  iour  qui  estoit  de  la  nativite  de  Pharao,  qu'il  fit  un  festin  a  tous  ses  serviteurs,  et  haussa  la  teste  du  maistre  sommelier,  et  la  teste  du  maistre  panetier  entre  ses  serviteurs:  21.  Et  fit  retourner  le  maistre  sommelier  a  sa  sommelerie,  et  presenta  la  coupe  en  la  main  de  Pharao:  22.  Mais  il  pendit  le  maistre  des  panetiers,  comme  Ioseph  leur  avoit  declare.  23.  Toutesfois  le  maistre  des  sommeliers  n'ayant  point  souvenance  de  Ioseph,  l'oublia.  Chapitre  XLI.  1.  Mais  deux  ans  apres,  Pharao  songea,  et  luy  sembloit  avis  qu'il  estoit  pres  d'un  fleuve.  2.  Et  voici,  sept  vaches  belles  a  voir,  et  grasses  de  chair,  montoyent  du  fleuve,  et  paissoyent  en  la  prairie.  3.  Apres,  voici  sept  autres  vaches  laides  a  regarder,  et  maigres  de  chair,  montoyent  du  fleuve,  apres  ies  autres,  et  estoyent  aupres  des  autres  vaches,  a  la  rive  du  fleuve.  4.  Et  les  vaches  laides  a  regarder,  et  naigres  de  chair  mangeront  les  sept  vaches  belles  a  regarder,  et  grasses.  5.  Alors  s'esveilla  Pharao,  puis  se  rendormit,  et  songea  pour  la  seconde  fois.  Et  voici,  sept  espis  pleins  et  beaux  sailloyent  d'un