54:63  63  SERMON  V  64  nous  facions  de  longs  circuits  pour  le  chercher,  ouvrons  les  yeux  de  la  foy,  et  nous  verrons  comme  il  se  manifeste  a  nous.  Et  ainsi  maintenant  nous  avons  au  texte  de  sainct  Paul  tout  ce  que  i'ay  touche.  Et  pourtant  apprenons  de  ne  point  separer  ce  que  le  sainct  Esprit  a  conioint.  Au  reste,  notons  que  sainct  Paul  a  ici  par  comparaison  voulu  amplifier  la  grace  que  Dieu  a  monstree  au  monde  depuis  la  venue  de  nostre  Seigneur  Iesus  Christ:  comme  s'il  disoit  que  les  Peres  anciens  n'ont  point  eu  cest  avantage,  que  Iesus  Christ  leur  soit  apparu  comme  a  nous.  Vray  est  qu'ils  ont  eu  une  mesme  foy:  et  aussi  l'heritage  des  cieux  leur  est  commun,  d'autant  que  Dieu  leur  a  revele  sa  grace  comme  a  nous,  mais  non  pas  en  telle  mesure.  Car  ils  ont  regarde  Iesus  Christ  de  loin,  et  en  ombrage,  (ainsi  que  dit  sainct  Paul  en  la  seconde  aux  Corinthiens  troisieme  chapitre,  verset  14.)  sous  les  figures  de  la  Loy:  il  y  avoit  le  voile  du  temple  qui  estoit  encores  tendu,  tellement  que  les  Iuifs  ne  pouvoyent  approcher  du  sanctuaire,  voire  materiel.  Mais  auiourd'huy  que  le  voile  du  temple  est  rompu,  nous  approchons  de  la  maieste  de  nostre  Dieu,  nous  venons  iusques  au  ciel  avec  pleine  privaute:  et  puis  quant  et  quant  nous  avons  l'image  vive  de  Dieu  en  laquelle  habite  toute  perfection  de  gloire:  brief,  nous  avons  le  corps,  au  lieu  que  les  Peres  ont  eu  l'ombre  tant  seulement,  comme  sainct  Paul  en  parle  aux  Colossiens  second  chapitre,  verset  17.  Or  par  cela  nous  sommes  admonestez  que  si  les  Peres  anciens  ont  eu  este  fermete  et  ce  zele  invincible,  de  persister  aux  afflictions  du  Fils  de  Dieu,  combien  qu'encores  qu'il  ne  fust  point  revele  au  monde,  qu'auiourd'huy  il  faut  que  nous  soyons  enflambez  d'une  plus  grande  ardeur,  ou  nostre  laschete  sera  trop  vileine.  Voila  doncques  les  Peres  anciens  qui  se  sont  pleinement  rangez  a  porter  les  afflictions  de  Iesus  Christ:  (comme  il  en  est  parle  en  l'onzieme  de  l'Epistre  aux  Hebrieux),  car  il  n'est  point  dit  que  Moyse  ait  porte  l'opprobre  de  son  pere  Abraham,  mais  de  Iesus  Christ.  Voila  doncques  comme  les  Peres  anciens,  combien  qu'ils  ayent  vescu  sous  les  ombres  obscures  de  la  Loy,  si  est-ce  neantmoins  qu'ils  se  sont  presentez  a  Dieu  en  sacrifice  pour  porter  en  toute  patience  les  afflictions  de  Christ.  Or  maintenant  que  Iesus  Christ  est  ressuscite  des  morts,  et  qu'il  nous  a  mis  la  vie  en  clarte,  que  devons-nous  faire?  Si  nous  sommes  tant  delicats  que  nous  ne  puissions  porter  les  afflictions  de  l'Evangile,  ne  sommes-nous  pas  dignes  d'estre  raclez  du  papier  de  Dieu,  et  qu'il  nous  desavoue?  Et  ^insi  notons  bien  que  nous  devons  estre  tant  plus  encouragez  avec  une  constance  de  foy,  pour  endurer