51:63  63  SERMONS  Paul  ne  parle  pas  seulement  ici  de  la  langue,  il  ne  dit  pas  que  nous  ayons  des  paroles  attrayantes:  mais  que  en  reprenant  nous  soyons  tousiours  conduits  et  incitez  a  cela  par  un  zele  que  nous  avons  du  salut  de  nos  prochains.  Car  il  est  certain  que  si  nous  desirons  le  salut  de  ceJuy  qui  a  failli,  qu'il  v  aura  sobriete,  et  cela  apportera  quant  et  quant  ceste  moderation  dont  parle  sainct  Paul,  que  nous  ne  serons  point  aigres  outre  mesure,  mais  il  faut  tousiours  venir  a  ceste  source,  c'est  a  scavoir  que  nous  n'ayons  point  un  esprit  bouillant  pour  reprendre  sans  scavoir  ni  comment  ni  a  quelle  fin:  mais  que  nous  ayons  un  soin  de  reduire  celuy  qui  sera  en  mauvais  train,  et  que  nous  desirions  de  l'amener  a  Dieu  avec  nous.  Bref,  que  nous  desirions  qu'il  soit  nostre  frere  pour  faire  que  Dieu  soit  servi  de  nous  tous  et  maintenu  en  son  degre.  Quand  nous  aurons  ceste  affection-la,  il  est  certain  que  le  reste  viendra  puis  apres.  Or  nous  sommes  quant  et  quant  admonestez  sous  ce  mot  d'Esprit  (comme  i'ay  touche)  qu'il  nous  faut  estre  conformez  a  Dieu,  puis  qu'il  a  bien  daigne  nous  choisir  pour  ses  enfans,  comme  aussi  nostre  Seigneur  Iesus  le  remonstre.  Soyez  semblables  a  vostre  pere  celeste  (dit-il)  qui  a  pitie  mesme  de  ceux  qui  n'en  sont  pas  dignes.  Par  quoy  si  nous  desirons  d'estre  tenus  et  advouez  pour  enfans  de  Dieu,  regardons  a  la  nature  de  luy  qui  nous  appelle  pour  estre  conformes  a  son  exemple:  c'est  que  nous  soyons  humains.  Or  Dieu  en  sa  douceur  ne  flatte  point  ceux  qui  ont  failli  :  car  il  hait  l'iniquite,  et  faut  que  tousiours  il  s'en  declare  ennemi.  Mais  nous  voyons  ce  qui  est  dit  que  Dieu  corrige  ses  enfans  tellement  que  les  chastimens  dont  ii  use  commencent  par  sa  maison  et  par  ses  domestiques.  Mais  tant  y  a  neantmoins  qu'il  ne  foudroye  point  contre  les  poures  pecheurs;  mais  il  les  attend  en  patience:  il  les  exhorte,  il  les  attire,  ii  les  supporte,  il  leur  propose  sa  grace,  et  leur  declare  qu'il  est  tout  prest  et  qu'il  a  les  bras  estendus  pour  les  recevoir^  moyennant  qu'ils  viennent  a  luy.  Voila  donc  ce  que  nous  avons  a  considerer  en  premier  lieu,  c'est  de  nous  conformer  a  l'exemple  de  nostre  Dieu,  pour  n'accabler  point  du  premier  coup  ceux  ausquels  nous  voyons  quelque  infirmite:  mais  que  plustost  nous  taschions  a  les  gagner  d'autant  qu'ils  sont  comme  poures  ames  perdues.  Or  de  la  nous  pouvons  aussi  recueillir  que  ceux  qui  auiourd'huy  veulent  que  les  vices  soyent  cachez,  et  mesmes  supportez  sous  ombre  que  Dieu  est  patient  et  benin,  corrompent  faussement  l'Escriture  saincte.  Car  auiourd'huy  quand  il  y  aura  eu  les  crimes  les  plus  detestables  du  monde,  incontinent  on  alleguera  la  misericorde,  o  si  faut-il  estre  pitoyable,  voire  mais  telles  gens  blasphement  a  l'encontre  de  Dieu,  pour  ce  qu'ils  veulent  que  nous