44:63  63  IN  SOPHONIAM  64  correctio  vobis  erit  utilis  ad  vitae  novitatem.  Quia  ergo  non  erit  eadem  vita  quae  prins,  et  gloria  mea  in  vobis  fulgebit,  nulla  erit  ratio  cur  erubescatis.  Sed  illud  esset  durum,  neque  posset  etiam  aptari  verbis  prophetae.  Dicit  enim,  Non  erubesces  amplius  a  sceleribus  quibus  transgressa  es  in  me.  Videmus  ergo  hoc  non  posse  alio  trahi  quam  ad  remissionem  peccatorum.  Sed  posterius  membrum  fefellit  illos  interpretes,  quia  addit  propheta,  Ego  enim  auferam  e  medio  tui  exsultantes.  Caeterum  consilium  prophetae  aliud  fuit  quam  ipsi  putarunt,  quemadmodum  iam  attigi.  Ostendit  enim  non  esse  cur  lugeant  aut  deplorent  Iudaei  imminutionem  ecclesiae,  quia  optima  compensatio  illis  offertur,  quod  scilicet  saltem  in  sua  paucitate  pure  Deum  colent.  Nam  quum  adhuc  integrum  esset  populi  corpus,  scimus  fuisse  quasi  diluvium  iniquitatis.  Iam  potuitne  Israel  tunc  gloriari  sua  multitudine,  quum  omnes  instar  gigantum  bellarent  cum  Deo?  Nunc  ubi  paucos  tantum  Deus  colligit  aliis  abdicatis,  saltem  pauci  illi  agnoscunt  se  mirabiliter  servatos  ut  non  exstingueretur  religio  in  terra  et  Dei  cultus.  Nunc  tenemus  prophetae  consilium.  Sed  conabor  hoc  iterum  similitudine  clarius  reddere:  Si  in  urbe  aliqua  sic  grassetur  licentia  omnium  scelerum,  ut  videri  possit  desperatus  populus,  ubi  contigerit  urbem  ipsam  vel  suis  opibus  et  pristino  statu  excidere,  vel  alio  modo  purgari  non  sine  aliqua  iactura,  et  ita  induere  novos  mores,  compensatio  haec  poterit  bonis  et  piis  dare  animum,  et  lenire  eorum  dolorem,  ut  patienter  ferant  ��i  non  luxuriei  civitas  in  eadem  abundantia,  in  iisdem  opibus  et  delitiis.  Quare?  Saltem  qui  restabunt  efficient  corpus  aliquod  populi  sine  probro  et  dedecore.  Quum  ex  corpore  humano  tollitur  corruptio,  necesse  est  corpus  ipsum  debilitari:  interdum  etiam  necesse  est  abscindere  membrum  unum,  ut  totum  corpus  salvum  maneat.  Haec  quidem  imminutio  gravis  est:  sed  quia  non  est  alia  ratio  servandi  corporis,  remedium  illud  patienter  ferendum  est.  Sic  nunc  loquitur  propheta  de  urbe  Ierusalem:  Non  erubesces,  inquit,  ob  scelera  quibus  in  me  transgressa  es.  Quomodo?  nempe  quia  separati  erunt  a  profanis  illis  et  crassis  Dei  contemptoribus.  Quamdiu  enim  permixti  erant  boni  et  mali,  erat  commune  omnium  dedecus:  tunc  Ierusalem  erat  caverna  latronum,  erat  quasi  imago  quaedam  terrestris  inferni,  et  omnes  similiter  contaminati  erant  ista  infamia,  quoniam  non  poterat  distingui  pars  sincera,  quum  ubique  regnaret  illa  colluvies.  Nunc  dicit  propheta,  Non  pudebit  te  prioris  infamiae.  Quare?  Deus  enim  segregabit  paleam  a  tritico,  et  colliget  triticum:  eritis  quasi  in  horreo  Dei:  manebit  solus  flos  electus,  erit  tanta  haec  puritas,  ut  in  vobis  resplendeat  gloria  Domini.  Ergo  non  pudebit  vos  dedecorum,  quibus  nunc  foedati  estis.  Tenemus