41:63  63  PRAELECTIONES  64  manum.  Nam  si  quaerendus  esset  nobis  Deus  extra  mediatorem,  nimis  longa  esset  distantia:  sed  ubi  occurrit  nobis  atque  adeo  humaniter  se  offert  mediator,  talis  est  inter  Deum  et  nos  propinquitas,  ut  fides  nostra  facile  transcendat  mundum,  et  penetret  omnes  coelos.  Hac  ratione  igitur  Christo  data  fuit  omnis  potestas,  omne  decus,  et  regnum.  Addit  etiam,  omnes  gentes  servient  ei,  hoc  est,  ut  serviant  ei.  Sic  enim  debet  resolvi  copula.  Ut  ergo  omnes  gentes,  populi  et  linguae  ei  serviant.  Diximus  hoc  proprie  intelligi  de  exordiis  regni  Christi,  nec  debere  trahi  ad  ultimum  finem,  quod  faciunt  nimis  violenter  et  coacte  multi  interpretes.  Interea  tamen  addendum  est,  quae  hic  narrat  propheta  nondum  completa  esse:  sed  hoc  familiare  esse  debet  piis  omnibus,  quoties  agitur  de  regno  Christi,  magnifice  extolli  eius  gloriam,  ac  si  iam  completum  esset  et  absolutum  omnibus  numeris.  Non  mirum  igitur  est,  si  ex  frequenti  et  quasi  perpetuo  scripturae  usu  dicat  propheta,  datam  fuisse  potestatem  Christo,  ut  sibi  subiiciat  omnes  populos,  gentes,  et  linguas,  quemadmodum  etiam  dicitur  Psalmo  110  (v.  1):  Dixit  Iehovah  domino  meo,  Sede  a  dextris  meis,  donec  ponam  inimicos  tuos  scabellum  pedum  tuorum.  Videmus  ergo  Christum  attolli  in  suum  imperium,  nt  patris  nomine  et  virtute  ecclesiam  suam  gubernet:  interea  tamen  multos  hostes  contra  ipsum  insurgere.  Sed  non  obstat  diaboli  et  omnium  improborum  contumacia,  quin  tamen  Christus  gubernet  coelum  et  terram,  et  sit  summus  rex  coram  quo  flectitur  omne  genu.  Sed  scimus  etiam  interea  esse  discrimen  inter  initia  regni  eius,  et  ultimum  complementum.  Quidquid  sit,  optime  convenit  haec  visio  cum  multis  Christi  sententiis,  ubi  testatur  sibi  datam  esse  potestatem  a  patre.  Non  loquitur  autem  de  ultimo  iudicio,  sed  tantum  docet  de  fine  sui  in  coelum  adscensus.  Et  hoc  melius  confirmat  propheta  quum  addit,  dominationem  eius  esse  dominationem  saeculi,  quae  non  auferetur,  et  regnum  eius  nunquam  corrumpi,  vel  aboleri.  His  enim  verbis  aperte  et  familiariter  docet,  Christum  ita  regem  summum  esse,  ut  semper  ecclesiam  suam  in  hoc  mundo  gubernet.  Yerum  quidem  est,  ubi  de  ecclesia  et  eius  statu  agitur,  debere  nos  respicere  in  coelum:  quia  felicitas  ecclesiae  neque  terrena  est,  neque  caduca  vel  temporalis:  sub  luna  autem  nihil  est  firmum  aut  perpetuum.  Sed  quum  dicit  propheta  dominationem  Christi  esse  aeternam,  haud  dubie  significat  perpetuo  tenore  staturam  eius  monarchiam  usque  ad  finem  mundi,  quum  suos  colliget  in  beatam  vitam  et  aeternam  haereditatem.  Quamvis  ergo  immortalitas  coelestis  comprehendatur  sub  his  verbis,  tamen  priore  loco  notat  propheta,  ecclesiam  in  hoc  mundo  fore  aeternam:  quia  eam  Christus  tuebitur,  quamvis  obnoxia  sit  quotidianis  et  innumeris  mortibus.  Et  quis  non  diceret  eccle-