39:63  63  PRAELECTIONES  64  fixerat  autem  70  annos  ut  ante  vidimus.  Perinde  est  igitur  ac  si  diceret  non  posse  apprehendi  gratiam,  de  qua  vaticinatur,  nisi  fideles  ipsi  teneant  mentes  suas  suspensas  :  et  patienter  exspectent  donec  tempus  promissae  salutis  advenerit.  Veniunt  ergo  dies  et  suscitabo,  alii  vertunt,  stabiliam:  et  utraque  etiam  expositio  convenit,  Dip  enim  significat  surgere:  sed  hic  in  activa  significatione  vel  transitive  accipitur  pro  faciam  surgere.  Aliquando  tamen  tantundem  valet  ac  stabilire:  aliquando  excitare  nempe  ut  appareat  quod  prius  crat  occultum.  Haec  autem  loquutio  apte  convenit  promissionibus  Dei,  quia  videntur  iacere  absque  effectu  :  aut  videntur  dissipari  aut  evanescere.  Stabilitas  ergo  promissionum  tantundem  valet  atque  conspectus,  ubi  ipsas  Deus  erigit,  quum  ante  occultae  fuerint,  ac  latuerint  fideles.  Satis  est  tenere  prophetae  mentem,  quod  scilicet  Deus  efficiet  ut  tandem  appareat  vis  et  effectus  sermonis  sui.  Sed  ex  hac  loquendi  forma  colligitur  doctrina  utilis:  quia  hinc  monemur  promissiones  Dei  non  ita  semper  vigere,  ut  earum  effectus  vel  complementum  nobis  pateat,  quin  potius  videri  posse  mortuas  et  inanes.  Quum  ita  sit,  discamus  fidem  nostram  et  patientiam  ita  exercere,  ut  non  trepident  nobis  animi,  quamvis  Dei  promissiones  non  proferant  singulis  momentis  virtutem  suam,  neque  habeant  suum  complementum.  Denique  haec  vera  est  praxis  sententiae  propheticae,  nos  nunquam  apprehendere  et  amplecti  serio  affectu  Dei  promissiones,  nisi  respicimus  ad  dies  venturos,  hoc  est,  nisi  patienter  exspectamus  tempus  a  Deo  praefixum:  deinde  nisi  fides  nostra  innititur  promissionibus:  quum  videntur  ipsae  iacere,  non  deprehenditur  firma,  neque  habere  ullas  radices  vel  fundamentum.  Sicuti  enim  radix  quae  arborem  sustinet,  non  conspicitur,  sed  latet  sub  terra,  sicuti  etiam  fundamentum  quo  fulcitur  domus  nullum  ante  oculos  versatur,  ita  fidem  nostram  sic  fundatam  esse  oportet,  et  radices  altas  agere  in  Dei  promissionibus,  ut  ipsa  firmitudo  non  sit  in  aere,  neque  habeat  conspicuam  superficiem,  sed  lateat.  Haec  igitur  summa  est,  et  hic  etiam  verus  usus  praesentis  doctrinae.  Vocat  autem  Deus  sermonem  suum  bonum,  quia  pollicitus  fuerat  se  fore  liberatorem  populi.  Sermo  Dei  etiamsi  omnes  mortes  denuntiet,  et  nihil  contineat  praeter  meros  terrores,  semper  bonus  est,  si  bonitas  accipitur  pro  rectitudine:  et  ideo  apud  Ezechielem  (18,  25)  obiurgat  Deus  Iudaeos  quibus  sermo  acerbus  erat:  et  dicit,  An  obliquae  et  spinosae  sunt  viae  Domini?  Vos,  inquit,  estis  perversi,  et  non  sermo  meus.  Sed  hic  bonitas  sermonis  accipitur  pro  salute  populi,  quia  ubi  Deus  incutit  terrorem  legis  suae  contemptoribus,  sermo  vocatur  malus  ab  effectu.  Interea,  quemadmodum  iam  dixi,  sive  Deus  offerat  nobis  favorem  suum  et  misericordiam,  sive  denuntiet  vindictam  adversus