35:63  63  SERMON  CXXIII  64  pour  un  iour.  Voici  Dieu  qui  a  prins  la  charge  et  l'office  de  nous  enseigner:  et  bien,  il  ne  faut  pas  la  dessus  que  nous  soyons  lasches  a  l'escouter:  puis  qu'il  nous  fait  la  grace  d'estre  nostre  maistre,  c'est  pour  le  moins  que  nous  lui  soyons  escoliers,  et  que  nous  soyons  attentifs  a  ce  qu'il  nous  dira.  Mais  cependant  notons  quand  il  fait  office  de  maistre  envers  nous,  que  ce  n'est  pas  pour  nous  reveler  toutes  choses  dont  nous  pourrions  douter,  et  dont  nous  pourrions  nous  enquerir.  Quoi  donc?  Ce  qu'il  cognoist  estre  en  edification,  c'est  a  dire,  ce  qu'il  cognoist  nous  estre  utile.  Et  ainsi  il  nous  faut  observer  trois  choses.  L'une  c'est,  que  nous  devons  avoir  les  aureilles  dressees  pour  recevoir  la  doctrine  que  Dieu  nous  enseigne:  qu'il  ne  faut  pas  que  nous  soyons  comme  bestes  quand  il  lui  plaist  nous  faire  cest  honneur  que  de  nous  enseigner,  mais  que  nous  appliquions  nostre  estude  a  profiter  sous  lui.  Voila  donc  le  premier  Item.  Il  ne  faut  pas  que  nous  facions  comme  les  povres  Papistes,  qui  ne  veulent  rien  savoir:  O  voila  c'est  une  chose  dangereuse  de  s'enquerir  des  secrets  de  Dieu.  Il  est  vrai  qu'il  y  faut  venir  en  humilite  et  reverence:  mais  cependant  faut-il  que  nous  ayons  les  oreilles  bouchees  ou  sourdes,  quand  Dieu  parle  a  nous?  Ainsi  donc  apprenons  de  tousiours  estre  prests  et  appareillez  de  recevoir  ce  qui  nous  est  dit  et  propose  au  nom  de  Dieu.  yoila  quant  au  premier.  Pour  le  second  notons,  Que  Dieu  ne  veut  point  maintenant  nous  declarer  toutes  choses,  mais  qu'il  nous  faut  pratiquer  ce  que  dit  sainct  Paul  en  ia  premiere  des  Corinthiens,,  c'est  assavoir,  Que  maintenant  nous  cognoissons  en  partie,  que  nous  voyons  comme  par  un  miroir,  et  en  obscurite,  nous  ne  sommes  pas  encores  venus  au  iour  de  pleine  revelation.  Car  combien  que  l'Evangile  soit  appelle  une  clarte  de  plein  midi:  toutes  fois  cela  se  rapporte  a  nostre  mesure.  Dieu  nous  esclaire  la  suffisamment,  nous  voyons  sa  face  en  nostre  Seigneur  Iesus  Christ,  et  la  contemplons  pour  estre  transfigurez  en  icelle:  mais  quoi  qu'il  en  soit,  nous  ne  voyons  pas  auiourd'hui  ce  qui  nous  est  appreste  au  dernier  iour:  il  faut  que  nous  croissions  tousiours  en  foi.  Or  la  foi  presuppose  que  les  choses  nous  sont  encores  cachees,  comme  nous  avons  mesure  de  foi,  ainsi  que  l'Escriture  en  parle.  Si  nous  en  avons  mesure,  ce  n'est  point  donc  perfection.  Yoila  ce  que  nous  avons  a  retenir,  que  les  fideles  durant  ceste  vie  presente  se  doivent  contenter  d'avoir  gouBt  de  la  volonte  de  Dieu,  et  d'en  cognoistre  quelque  portion,  et  non  point  le  tout:  car  si  nous  avons  ceste  folle  cupidite  pour  dire,  Ie  veux  tout  savoir,  et  ne  rien  ignorer,  o  voila  une  sagesse  enragee,  il  vaudroit  beaucoup  mieux  que  nous  fussions  ignorans  du  tout.  Ainsi  donc  notons  qu'il