33:63  63  SERMON  IV  64  point  parvenir  a  luy,  que  nous  ne  pouvons  pas  monter  si  haut,  il  se  rend  familier,  il  est  comme  transfigure,  afin  que  nous  cognoissions  ce  qui  nous  est  bon  et  propre.  Quand  Dieu  approche  ainsi  de  nous,  ie  vous  prie,  ne  devons  nous  point  estre  confus  de  honte  si  nous  sommes  lasches  a  l'escouter?  Et  en  cela  voyons  nous  quelle  est  la  vilenie  de  ceux  qui  veulent  priver  de  toute  doctrine  les  povres  idiots  :  car  ils  disent  que  l'Escriture  saincte  est  trop  obscure,  qu'on  n'y  peut  mordre.  Vray  est  que  d'autant  qu'il  n'y  a  que  tenebres  en  nous,  l'Escriture  nous  sera  difficile,  mais  cependant  si  voit-on  comme  Dieu  a  promis  d'esclairer  les  petis,  et  les  humbles.  Et  de  fait  nous  voyons  comme  il  y  procede:  car  a,  quel  propos  ceci  nous  est-il  declare  ainsi  priveement,  et  a  la  facon  des  hommes?  Dieu  nous  monstre  qu'il  ne  veut  pas  seulement  instruire  les  grands  clercs,  et  ceux  qui  seront  bien  subtils,  et  qui  auront  este  exercez  a  l'escole,  mais  qu'il  se  veut  accomoder  iusques  aux  plus  rudes  idiots  qui  soyent.  Quand  Dieu  procede  ainsi  de  son  coste,  quelle  ingratitude  est-ce,  quand  les  hommes  reculent,  et  qu'ils  prenent  cest  ombre-la,  et  ceste  couleur  de  dire,  qu'il  leur  est  impossible  d'atteindre  au  sens  de  l'Escriture  saincte?  car  nous  voyons  comme  DI6U  s'accommode  a  nous.  Cependant  nous  avons  a  recueillir  principalement  que  le  sainct  Esprit  nous  a  voulu  monstrer  quel  est  l'office  de  Satan,  quel  est  son  naturel,  a  quoy  il  s'employe,  et  s'applique  du  tout:  c'est  (comme  nous  avons  dit)  qu'il  ne  cesse  comme  un  lion  bruyant  de  chasser  apres  la  proye:  et  sainct  Pierre  use  notamment  de  ceste  similitude-la,  afin  de  nous  resveiller,  et  que  nuict  et  iour  nous  soyons  sur  nos  gardes,  et  que  nous  invoquions  Dieu,  afin  qu'il  nous  defende  contre  tous  les  assauts  de  nostre  ennemi,  et  tout  ce  qu'il  pourra  machiner  contre  nous.  Il  est  vray  que  nous  ne  verrons  point  Satan,  et  n'appercevrons  pas  aussi  a  l'oeil  ce  qu'il  appreste,  et  machine  pour  nostre  perdition:  mais  d'autant  plus  avons-nous  a  craindre  ses  cautelles  et  astuces.  Et  voila  pourquoy  sainct  Paul  dit  (Ephes.  6,  12),  que  nous  n'avons  pas  a  batailler  contre  la  chair,  et  contre  le  sang.  Il  signifie  par  cela,  que  si  nous  avions  des  ennemis  visibles,  et  bien,  nous  pourrions  aucunement  eschapper  de  leurs  mains,  nous  trouverions  les  moyens  pour  leur  resister:  mais  voici  (dit-il)  les  astuces  spirituelles  qui  bataillent  contre  nous:  la  nous  ne  voyons  goutte,  sinon  que  Dieu  nous  donne  les  yeux  de  foy  pour  savoir  comme  Satan  nous  est  contraire,  voire  par  les  tentations  qu'il  nous  met  au  devant,  et  par  lesquelles  il  nous  solicite  a  mal,  et  tasche  de  nous  desbauches  Ainsi  donc  nous  devons  avoir  cest  article  pour  resolu,  c'est  que  les  diables  sont  tousiours  a  procurer  nostre  perdition  et  qu'ils  circuissent  la  terre,  que