30:63  63  HOMILIA  L.  64  ritatem,  et  iure  divino  permittitur.  Tum  enim  Deus  nobis  veluti  concedit  nominis  sui  usum:  modo  in  rebus  permissis  et  licitis  cum  reverentia  illud  usurpemus.  Porro  iurisiurandi  formula  hic  est  summopere  observanda,  quum  dicitur:  Iehova  vivit:  quibus  denotatur  divinam  maiestatem  semper  esse  salvam  tectam,  licet  hic  omnia  in  terris  misceantur.  Ac  sane  quum  mentiendi  et  fallendi  homines  sibi  faciunt  potestatem,  accidit  quod  ita  sperant  se  hominum  iudicia  effugituros,  si  crimen  audacter  infitientur:  et  ita  fit  ut  temere  et  in  vanum  Dei  nomen  iurantes  accipiant.  Atqui  iuramenta  sunt  remedium  ad  mendacia  et  fraudes  cohibendas,  ut  statuant  homines  se,  licet  in  his  terris  non  possint  ullius  sceleris  coargui  et  malitiae,  tamen  coram  Deo  iudice  semel  ipsis  comparendum,  cuius  sisti  omnes  oportet  iudicio.  Vita  itaque  illa  quae  Deo  tribuitur  ipsius  maiestati  convenit.  Neque  enim  vivit  Deus  ut  speculetur  tantum  quae  in  mundo  fiunt,  neque  ut  in  res  creatas  dominium  obtineat:  sed  potius  ut  mundum  iudicet  a  se  creatum  :  eorumque  quos  elegit  et  adoptavit  misereatur  :  ut  ius  suum  cuique  tribuat,  et  in  flagitia  animadvertat.  Atque  haec  est  vita  quae  Deo  tribuitur,  ut  nempe  totius  mundi  sit  iudex:  eius  potentia  cognoscatur,  eius  bonitas  et  sapientia  magni,  ut  par  est,  fiat.  Quare  quum  veteres  olim  istis  iurandi  formulis  usi  sunt:  Iehova  vivit,  iis  testati  sunt  se  in  unum  aeternum  iudicem  respicere,  et  a  solo  illo  dependere:  et  licet  hominum  iudicia  possent  effugere,  nihilominus  se  Dei  iudicio  nequaquam  posse  subducere,  neque  manus  ipsius  evadere,  quin  rei  suorum  scelerum  fiant.  Ac  sane  si  homines  ista  probe  recordarentur,  verisimile  est  illos  longe  in  iuramentis  modestiores  esse  futuros  et  temperatiores.  Nam  qui  crebro  Dei  nomen  usurpant,  et  temere  in  ore  habent,  belluis  videntur  simillimi  et  a  Deo  alienissimi:  quum  tamen  quotiescunque  iuramus  ad  Dei  solium  conscendere  nos  oporteat,  nosque  illi  sistere,  scientes  non  inultum  fore  iuramentum  temere  Dei  nomen  advocantiuin  :  quod  ad  divini  verbi  normam  exigi  necesse  est.  Nam  sane  si  singuli  sibi  in  mentem  revocarent  divini  nominis  maiestatem,  turpissimum  existimarent  Dei  nomen  in  ore  hominum  versari  et  instar  pilae  volvi,  poenasque  metuerent  quas  olim  Deus  ob  sui  contemptum  est  ab  illis  repetiturus  :  ac  proinde  a  temerariis  istiusmodi  iuramentis  horrore  divini  iudicii  deterrerentur.  Et  hactenus  de  solenni  illo  Saulis  iuramento,  se  nemini  ac  ne  Ionathano  quidem  filio  parciturum.  Cuius  sane  temerarium  fuit  iusiurandum,  quum  deinceps  ex  opposito  populum  iurasse  videamus,  non  casurum  ullum  ex  capillis  capitis  Ionathani,  et  ita  Saulis  iuramentum  revocatum  fuisse  contrario  populi  iuramento.  Atque  ita  Deus  fecit  manifestam  Saulis  temeritatem,  quem