28:63  63  SERMON  CXXX.  64  servitude  a  la  police  de  Moyse:  il  est  vray.  Mais  c'est  pour  le  moins  que  nous  acceptions  les  advertissemens  que  Dieu  nous  donne,  et  que  nous  usions  de  son  conseil:  encores  qu'il  nous  ait  affranchis  de  ceste  astriction  de  la  Loy  politique  de  Moyse,  si  est-ce  que  tousiours  il  veut  que  nous  retenions  ce  principe,  c'est  assavoir  que  nous  ad  visions,  pour  quelle  cause  Dieu  a-il  defendu  cela?  C'est  d'autant  que  la  chose  n'est  point  supportable.  Il  nous  faut  donc  maintenant  nous  ranger  a  ce  que  nous  cognoissons  estre  agreable  a  Dieu,  et  nous  retirer  de  ce  qu'il  nous  defend.  Mais  encores  il  y  a  double  condamnation  sur  ceux  qui  voudront  aller  a  l'encontre  de  cela,  comme  sainct  Paul  en  parle,  traittant  de  celuy  qui  avoit  prins  sa  bellemere  en  Corinthe.  Comment?  (dit-il)  n'avez-vous  point  de  honte,  qu'il  y  a  de  telles  paillardises  entre  vous,  et  un  acte  si  villain  que  les  Payens  mesme  n'en  voudroyent  point  ouyr  parler?  Il  est  vray  que  quelquefois  on  a  veu  de  telles  choses  entre  eux:  mais  tant  y  a  qu'ils  l'ont  eu  en  execration.  Puis  qu'ainsi  est  donc  que  les  povres  incredules  ont  este  enseignez  par  un  mouvement  qu'ils  n'ont  point  cogneu  eux-mesmes:  sans  avoir  ni  escriture  ni  sermon,  toutesfois  que  Dieu  les  a  poussez  a.  cela,  qu'ils  ont  encores  retenu  quelque  honnestete  en  ces  degrez  de  mariage:  que  devons-nous  faire?  Et  mesmes  nous  voyons  par  les  Payens  mesmes  une  condamnation  encores  plus  grande.  Car  il  y  a  eu  licence  d'un  Empereur  de  Rome,  que  l'oncle  pouvoit  prendre  la  niece,  pour  autant  que  luy  il  le  vouloit  faire.  Et  cela  n'a  iamais  peu  estre  ensuyvi  que  par  son  macquereau:  ayant  tous  ces  pais  a  son  commandement:  iamais  n'a  eu  le  credit  qu'un  oncle  peust  espouser  sa  niece,  sinon  qu'il  l'a  fait  luy  et  un  sien  macquereau  avec  luy.  Or  que  dirons-  nous  la,  sinon  que  nostre  Seigneur  a  eu  une  bride  secrette  sur  les  hommes,  pour  dire:  Ie  veux  qu'il  y  demeure  quelque  honnestete  en  nature,  en  despit  de  ceux  qui  dominent  au  monde,  et  qui  voudroyent  mettre  une  telle  confusion,  que  les  hommes  fussent  comme  bestes  brutes,  qu'ils  fussent  comme  chiens  et  chevaux:  tant  y  a  que  ie  suis  par  dessus,  pour  faire  que  ma  Loy  soit  imprimee  tellement  aux  coeurs  des  hommes,  que  quelque  malice  et  aveuglement  qu'il  y  ait,  ils  retiennent  encores  quelque  honnestete  de  ce  que  ie  leur  ay  premierement  commande.  Voila  (di-ie)  comme  Dieu  a  gouverne,  tellement  que  les  hommes,  quelque  infideles  qu'ils  soyent,  ont  tousiours  eu  quelque  remors,  pour  ne  point  contrevenir  entierement  a  ce  qui  leur  estoit  defendu  en  ceste  loy.  Il  est  vray  qu'on  pouvoit  bien  alleguer,  que  cela  estoit  licite.  La  loy  est  faite,  elle  se  publie,  la  licence  est  donnee  a  tous:  et  cependant  on  voit  que  Dieu  gouverne  par  dessus,  et  monstre  qu'il  ne  veut  point