27:63  63  SERMON  LXXIII.  64  d'eux  s'en  sont  moequez,  ie  di  les  Payens  desquels  nous  avons  les  livres,  qu'ils  ont  orie  :  Que  pensezvous  faire  povres  gens?  Quand  vous  aurez  este  adonnez  a  fraudes,  a  rapines,  a  outrages,  a  cruautez,  a  larrecins,  et  toutes  mesehancetez,  vous  viendrez  puis  apres  vous  reconcilier  a  Dieu.  Et  comment?  En  luy  apportant  quelque  portion  du  butin.  Mais  pource  que  la  facon  de  la  papaute  nous  est  plus  cogneue,  regardons  a  ce  qui  se  fait  la.  Quand  un  homme  aura  bien  pille,  et  desrobe,  s'il  donne  quelque  chasuble,  s'il  fonde  une  chappelle,  s'il  fonde  des  messes,  s'il  fait  faire  des  marmousets,  ou  ceci  on  cela:  O!  voila  Dieu  qui  est  bien  paye:  ii  ne  faut  plus  qu'il  doute  que  tous  ses  pechez  ne  luy  soyent  pardonnez  devant  Dieu:  quand  il  luy  aura  presente  quelque  portion  du  butin,  voila  Dieu  qui  est  bien  contente,  il  n'a  plus  que  demander,  quand  on  luy  aura  ainsi  ferme  la  bouche.  II  est  vray  qu'on  ne  parlera  pas  ainsi:  mais  la  chose  est  telle  neantmoins.  Oar  comment  est-ce  que  les  meschans  pensent  couvrir  toutes  leurs  iniquitez,  sinon  pource  qu'ils  cuident  avoir  appointe  avec  Dieu,  tellement  qu'il  ne  sache  plus  que  dire,  quand  ils  luy  auront  ainsi  fait  quelque  present,  comme  de  corruption?  Puis  donc  que  le  monde  se  mocque  ainsi  de  Dieu,  et  qu'il  luy  semble  qu'il  pourra  appointer  avec  luy  par  des  presens:  Moyse  au  contraire  dit,  que  Dieu  n'est  point  semblable  aux  hommes  mortels,  et  qu'il  ne  plie  point  pour  cela:  qu'on  ne  s'y  abuse  point  donc.  Car  si  nous  desirons  d'estre  reconciliez  avec  luy  apres  l'avoir  offense,  il  n'y  a  autre  moyen,  sinon  que  nous  venions  estans  abbattus,  ayans  un  esprit  angoisse,  nous  presenter  a  luy.  Car  comme  il  est  dit  au  Pseaume,  c'est  le  sacrifice  lequel  il  accepte  sur  tout:  et  quand  il  nous  recoit  en  grace,  que  nous  sachions  que  c'est  en  vertu  du  payement  qui  a  este  fait  en  la  personne  de  nostre  Seigneur  Iesus  Christ:  que  nous  ne  presumions  point  ae  luy  rien  apporter  du  nostre,  mais  que  nous  empruntions  ailleurs  ce  que  nous  n'avons  point  en  nous.  Cependant  toutesfois  si  faut-il  que  nous  hayssions  le  peche,  si  nous  desirons  que  Dieu  nous  recoive  en  son  amour:  il  faut  mesmes  que  nous  condamnions  ce  que  nous  cognoissons  de  mal,  si  nous  en  voulons  estre  absouts.  Et  pourtant  ne  venons  plus  avec  nos  vaines  phantasies,  cuidans  appaiser  Dieu  par  des  menus  bagages,  ou  bien  le  faisant  semblable  a  des  Iuges  corruptibles,  qui  s'esblouissent  pour  presens:  n'imaginons  rien  de  cela  en  luy,  mais  cheminons  en  rondeur.  Nous  voyons  donc  maintenant  que  Moyse  nous  a  voulu  tenir  en  bride,  nous  monstrant  quelle  est  la  nature  de  Dieu:  c'est  qu'il  nous  exhorte  a,  le  craindre,  pource  qu'il  est  terrible.  Et  puis,  d'autant  qu'il  n'accepte  point  les  personnes,  qu'on  se  despouille  de  toute  hau-