26:63  63  SERMON  XVI.  64  que  le  peuple  cognoisse  la  bonte  de  Dieu,  en  ce  qu'il  Pa  retire  de  la  servitude  d'Egypte:  et  que  non  seulement  il  luy  a  donne  la  terre  qu'il  luy  avoit  promise  en  heritage,  mais  il  a  encores  adiouste  plus  qu'il  n'avoit  attendu:  c'est  assavoir,  ces  deux  royaumes  qui  estoyent  outre  le  Iourdain.  Or  cependant  Moyse  dit  qu'il  a  donne  ceste  region-la  aux  fils  de  Ruben,  et  aux  fils  de  Gad,  c'est  a  dire,  a  leur  lignee,  et  a  la  demie  lignee  de  Manasse.  Non  pas  que  Moyse  leur  ait  offert  ceste  region  en  partage:  mais  ils  se  sont  advancez,  comme  il  est  escrit  plus  a  plein  au  32.  chap.  des  Nombres.  Mesmes  la  il  est  dit,  que  Moyse  fut  fasche,  voyant  qu'ils  avoyent  anticipe,  qu'ils  avoyent  este  trop  hastifs:  car  c'estoit  bien  raison  que  toute  la  terre  fust  occupee,  et  puis  que  les  partages  se  fissent.  Or  cependant  il  est  dit,  que  ces  deux  lignees,  assavoir  de  Gad,  et  de  Ruben  se  sont  excuse,  pource  qu'ils  avoyent  grand  bestail,  et  que  c'estoit  un  pays  propre  pour  pasturage:  et  qu'ils  n'en  demandoyent  point  la  possession  pour  estre  separez  d'avec  leurs  freres,  ou  pour  avoir  une  condition  meilleure.  Car  ils  protestent  qu'ils  iront  avec  le  reste  du  peuple  pour  combattre  contre  tous  les  ennemis:  et  que  iamais  ne  possederont  le  pays  qui  leur  estoit  assigne  iusques  a  ce  que  tous  soyent  logez.  Quand  ceste  promesse-la  est  faite,  alors  Moyse  leur  accorde.  Car  auparavant  il  leur  disoit:  Voici,  vous  adioustez  le  comble  a  vostre  iniquite.  Car  quand  par  ci  devant  vous  avez  espie  la  terre,  vous  n'avez  pas  voulu  entrer  lors  que  l'ouverture  vous  estoit  faite:  vous  amenez  maintenant  encores  empeschement  nouveau  :  il  semble  que  vous  ne  demandiez  qu'a  resister  a  Dieu,  et  a  fermer  la  porte  a  sa  grace  pour  l'exclure.  Moyse  donc  se  faschoit  ainsi  asprement  contre  les  enfans  de  Ruben,  et  de  Gad,  iusques  a  ce  qu'ils  monstrent  que  leur  intention  n'est  pas  de  quitter  leurs  freres,  mais  de  se  tenir  tousiours  en  l'union  du  corps:  cependant  de  laisser  leur  bestail,  afin  qu'ils  n'en  soyent  point  par  trop  empeschez,  avec  leurs  femmes,  et  leurs  petis  enfans.  Or  en  ceci  encores  avons-nous  a  observer  la  bonte  de  Dieu.  Car  s'il  n'eust  este  protecteur  de  ce  qui  demeura  en  ceste  region:  qu'eust-ce  este?  Voila  des  femmes,  et  des  petis  enfans  qui  sont  laissez  avec  leur  bestail.  Or  nous  savons  que  tout  le  voisinage  ne  demandoit  qu'a  ruiner  ce  peuple  d'Israel,  qu'il  y  avoit  une  haine  esmeue  par  tout,  voire  comme  un  feu  allume.  Si  donc  les  enfans  et  les  femmes  n'eussent  este  conservees  sous  la  main  de  Dieu,  et  sous  sa  protection,  ne  fussent-ils  point  peris  cent  fois?  Or  maintenant  estans  ainsi  abandonnez,  ils  n'ont  este  molestez  de  nul.  En  cela  donc  le  peuple  devoit  cognoistre  en  tout  et  par  tout  la  grace  de  Dieu,  afin  de  se  fortifier  a  l'avenir:  et  cependant  de  sentir  qu'il  n'y  avoit  rien  de  son  propre  pour  s'en  glo-