21:63  63  VIE  DE  CALVIN  64  Seigneur  et  ce  qu'il  en  sentoit.  Ce  que  Calvin  fit  volontiers  :  et  apres  la  fin  de  tout  le  propos,  le  bon  personnage  Cruciger,  comme  il  estoit  homme  fort  humain,  l'en  remercia  bien  fort,  luy  declarant  que  de  sa  part  il  en  sentoit  aussi  tout  de  mesme.  Alors  Calvin  composa  a  Wormes,  le  premier  iour  de  Pan,  un  chant  de  victoire  en  vers  Latins  a  l'honneur  de  Iesus  Christ:  lequel  depuis  a  este  mis  en  lumiere  par  l'importunite  d'un  moine  Inquisiteur  de  Tholose,  qui  le  condamnoit  avant  qu'il  fust  imprime;  et  finalement  a  este  traduit  en  rime  Francoise  par  feu  M.  Conrad  Badius,  qui  est  mort  Ministre  de  l'Eglise  de  Orleans.  Cependant  le  Seigneur  exercoit  ses  iugemens  a  Geneve,  punissant  expressement  ceux  lesquels  estans  en  estat  de  Syndique  l'an  1538,  avoyent  este  cause  de  dechasser  Farel  et  Calvin:  tellement  que  l'un  d'iceux,  estant  coulpable  d'une  sedition  et  se  voulant  sauver  par  une  senestre,  se  creva  soy-mesme;  un  autre  ayant  commis  un  meurtre  fut  decapite  par  iustice  ;  les  deux  autres,  conveincus  de  certaine  desloyaute  contre  l'estat  de  la  ville,  s'enfuirent  et  furent  condamnez  en  leur  absence.  Ceste  escume  estant  vuidee  de  la  ville,  Calvin  commenca  d'estre  regrette,  et  fut  redemande  par  plusieurs  ambassades  de  Geneve,  et  par  l'intercession  des  seigneurs  de  Zurich  aux  seigneurs  de  Strasbourg,  qui  en  firent  difficulte.  Calvin  d'autrepart,  voyant  le  fruict  qu'il  faisoit  a  Strasbourg,  n'y  vouloit  nullement  consentir,  combien  qu'il  portast  affection  a  la  ville  de  Geneve  et  aux  gens  de  bien  qui  y  estoyent.  Enfin  il  falut  venir  iusqu'aux  menaces  du  iugement  de  [b  8]  Dieu,  s'il  n'obeissoit  a.  ceste  vocation,  lesquelles  luy  proposa  M.  Bucer,  allegant  l'exemple  de  Ionas.  Ainsi  au  grand  regret  desdits  seigneurs  de  Strasbourg,  et  mesmes  de  M.  Bucer  et  de  ses  autres  compagnons,  il  fut  accorde  a  la  viHe  de  Geneve  pour  quelque  temps.  Or  ces  propos  furent  mis  sus1)  lors  que  ledit  Calvin  avoit  este  esleu  avec  M.  Bucer  pour  aller  a  la  iournee  Imperiale  a  Ratisbone.  Ce  qui  fit  qu'il  ne  peut  si  tost  retourner  a  Geneve  :  mais  cependant  fut  advise  2)  par  ceux  qui  avoyent  soin  de  ladite  Eglise,  qu'on  prieroit  les  seigneurs  de  Berne  de  permettre  que  M.  Viret,  qui  estoit  Ministre  de  l'Eglise  de  Lausanne,  vint  pour  un  temps  demeurer  a  Geneve:  afin  qu'en  attendant  le  retour  de  Calvin,  cette  povre  Eglise  n'allast  du  tout  en  dissipation.  Dont  il  fut  fort  ioyeux,  sachant  bien,  comme  il  estoit  vray,  que  ce  luy  seroit  grand  aide  d'avoir  Viret  pour  compagnon  au  gouvernement  d'icelle  Eglise.  Cependant  s'escoulerent  quelques  mois.  Mais  finalement  Calvin  estant  retourne  de  Ratisbone  arriva  a  Geneve,  ou  en  avant  F.  trouve  bon  F.