15:63  63  EPISTOLAE  1918.1920  64  et  Augustino,  imo  Christo  ipso  multo  prudentiores  doctiores,  maiori  spiritu  et  iudicio  praediti,  qui  ecclesiae  vestrae  tam  bene  consulere  didicistis.  Yos  igitur  pacis  et  quietis  evangelicae  restitutores  omnes  ecclesiae  unanimes  imitentur:  vos  collaudent,  celebrent,  et  erectis  trophaeis  ad  sidera  tollant.  Dixi.  1919  LASCUS  MINISTRIS  TURICENSIBUS.  Mittit  iis  relationem  fatorum  et  peregrinationum  eorum  exsulum  quorum  dux  ipse  factus  est  quum  in  Anglia  evangelici  solum  vertere  coacti  essent.  Addit  occasione  libellorum  Westphali  recens  editorum  iteratam  suam  confessionem  de  coena.  (Ex  autographo  Arch.  Turic.  Scrin.  O.  Vol.  VIII.  fol.  277  edidit  Gerdes.  Mise  Iv.  1.  p.  481  et  post  eum  Kuyper,  Lasc.  IL  697.)  Nihil  dubito,  fratres  in  Domino  observandissimi7  quin  magno  iam  pridem  desiderio  teneamini  audiendi  de  nobis  aliquid,  posteaquam  Angliam  dissipatis  illic  nostris  ecclesiis  reliquissemus.  Sed  et  vos  credere  vicissim  potestis,  non  minus  etiam  nobis  fuisse  toto  hoc  interea  tempore  ad  vos  scribendi  desiderium,  si  id  facere  ullo  modo  potuissemus,  non  modo  ut  vestram  pro  nobis  sollicitudinem  levaremuSj  quam  equidem  summam  esse  pro  vestra  pietate  non  dubitamus,  sed  ut  vestras  preces  etiam  vestraque  suspiria  cum  nostris  tanto  ardentius  coniuncta  habere,  denique  et  instrui  a  vobis  et  confirmari  praeterea  in  aerumnis  ac  certaminibus  nostris  potuissemus,  quibus  nos  Dominus  deus  noster  ad  filii  sui,  quod  spero,  gloriam  probare  nonnihil  exercereque  voluit.  Illi  sit  gloria  in  saecula.  Amen.  Quia  vero  nobis  id  hactenus  non  licuit  et  nunc  se  nobis  offerret  qui  nostras  ad  vos  literas  Argentinam  usque  perferre  posset,  neque  dubitaremus  facile  illinc  demum  etiam  perventuras  ad  vos  esse,  facere  plane  non  potui  quin  vos  pariter  istic  omnes  per  meas  hasce  literas,  tumultuarie  quidem  ut  tempus  tulit  sed  interim  ex  animo  diligenter  atque  officiose,  ut  fratres  dilectissimos  salutarem,  simulque  etiam  vos  de  totius  Danici  itineris  successu  ac  rationibus  omnibus  facerem  certiores:  ut  pariter  nobiscum  iam  demum  etiam  gratias  Domino  deo  nostro  agatis  pro  divina  ipsius  in  nos  benignitate  et  misericordia,  qui  neque  in  aerumnis  neque  in  certaminibus  nostris  nobis  defuit  unquam,  sed  nobis  potenter  astitit  virtutemque  suam  divinam  in  nostra