10.1:63  ORDONNANCES.  pour  la  premiere  foys,  de  soixante  solz  et  d'estre  mys  en  prison  troys  iours  et  troy  nuictz  en  pain  et  eau  et  de  fere  la  reparation  en  presence  des  officiers  de  la  iustice  aux  mesmes  lieux  a  deux  genoux,  teste  nue,  en  baisant  la  terre,  demandant  a  Dieu  pardon  de  sondict  despitement  et  renoncement  de  Dieu:  pour  la  seconde,  six  iours  sus  ladicte  poine  comme  dessus,  et  pour  la  troysiesme,  d'estre  mys  en  prison  troys  iours  comme  dessus  et  apres  troys  heures  au  collier  ou  estre  bampnys  pour  ung  an  de  la  cite,  a  la  discretion  de  nouzdicts  tres  redoubtez  seigneurs.  Item  que  nul  des  delinquans  es  choses  predictes,  soit  si  ouse  ne  sy  hardy  de  fere  aulcunes  resistance  ny  rebellion  aux  reprehension  et  admonitions  que  luy  seront  faictes  iustement,  ny  moings  icelles  torner  ny  mettre  en  mocquerie  sus  paine  d'estre  reprins  comme  rebelles  a  Dieu  et  a  iustice  et  chastier  selon  l'exigence  du  cas  a  la  double  paine.  Item  que  ung  chascung  voyant  ainsy  iurer,  blasphemer,  despiter  et  renoncer  Dieu  soit  tenus  et  doibge  reprendre  et  admonester  tel  delinquant  a  obeir  aux  presentes  ordonnances  et  mesmes  en  ce  que  Dieu  sera  grandement  blaspheme,  despite  et  renonce,  doibge  reveller  a  la  iustice  a  la  forme  des  presentes  ordonnances  sus  la  poine  de  dix  solz  pour  ung  chascun  et  une  chascune  foys.  Item  et  que  nul  hoste  ny  aultre  ayant  a  souffrir  et  enconres  moings  a  receller  les  iurementz,  blasphemes,  despitementz  et  renuncementz  de  Dieu  en  leurs  logis  et  habitations,  mays  les  doibge  reveller  et  nottiffier  a  la  iustice  sus  la  poine  de  soixante  solz  et  d'estre  mys  en  prison  ung  iour  et  une  nuict  pour  une  chascune  foys.  Bdictz  et  cries  a  cause  des  blasphemes.  Passe  le  25  de  decembre  1552.  *)  Pource  que  non  seullement  par  vains  iurementz  mays  aussy  par  grans,  detestables  et  damnables  blasfemes,  despitementz  et  renoncementz  de  Dieu  lhonneur  de  Dieu  est  grandement  offence,  qu'est  tresfort  scandaleux,  singulierement  en  la  religion  crestienne,  surquoy  le  magistrat  doibt  estre  de  grand  zele  esmeu  a  y  pourvoir  sus  et  devant  toutes  choses  humaines,  pour  reprimer  tieulx  iurementz,  blasfemes,  despitementz  et  renuncementz  de  Dieu,  affin  que  l'exclamation  de  Isaie  contre  les  dominateurs  de  la  terre  ne  soit  estendue  sus  ledict  magistrat  a  1)  Cest-a-dire  1551  nouveau  style.