7:629  629  REFORMANDAE  RATIO.  630  iam  centum  fere  annorum  miraculis  illustrata  erat  evangelii  doctrina  :  nihil  ad  praesentem  causam  refert.  Ablatum  certe  nobis  fuisse  quod  illo  ritu  indicabant  apostoli,  omnes  vident.  Quorsum  ergo,  ubi  finem  veritas  accepit,  signum  prorogabitur?  Si  quis  hodie  morem  incubandi  mortuis  conetur  inducere,  quia  et  Helias  et  Paulus  suscitandis  mortuis  hoc  symbolum  non  temere  adhibuerint,  quis  non  statim  repudiet  tam  praeposteram  imitationem?  Sacramentum  itaque  apostolis  fuisse,  non  negamus  :  sed  quod  re  sublata  abrogatum  sit.  Quare,  si  eius  retineri  usum  volunt  mediatores,  rem  signatam  prius  nobis  restituant.  Etsi  autem  fateor,  quum  cessassent  miracula,  retentam  nihilominus  in  veteri  ecclesia  consuetudinem  manus  imponendi,  non  est  tamen  cur  hoc  praeiudicio  gravemur,  nisi  proferatur  certa  Dei  autoritas.  Deinde,  causam  longe  a  veterum  causa  separatam  agunt1)  mediatores.  Nam  quum  fateatur  Augustinus,  nihil  nisi  solenne  precationis  esse  symbolum:  frustra  eorum  umbra  tegere  se  conantur,  a  quibus  tam  procul  absunt.  Nos  quoque  eiusmodi  ritum  ubique  restitutum  merito  optaremus,  quo  offerantur  Deo  pueri,  post  editam  fidei  suae  confessionem.  Atque  haec  esset  non  indecora  [pag.  134]  catechismi  approbatio.  Sed  quamlibet  tum  pia,  tum  utilia  sint  hominum  instituta,  longe  tamen  infra  sacramentorum  gloriam  subsidant  necesse  est,  quae  divinitus  sunt  nobis  tradita,  et  foedus  aeternae  salutis  habent  in  se  comprehensum.  Iam  vero  recipi  unctio  non  potest,  sine  illis  appendicibus,  quas  merito  exhorrere  pii  omnes  debent.  Quid  enim  minus  ferendum,  quam  praeferri  confirmationem  baptismo,  vocarique  dignius  sacramentum  et  maiori  colendum  veneratione?  Has  quidem  tam  tetras  blasphemias  callide  dissimulant  mediatores:  sed  quum  oleum  necessario  comitentur:  quid  captant  tali  silentio,  nisi  ut  nos  sine  sensu  iugulent?  Unctio,  secundum  eos,  ab  ecclesia  prodiit.  At  eadem  est  ecclesia,  si  ipsis  creditur,  quae  meretricios  illos  fucos  induxit,  eius  ornandae  causa.  Si  assentiamur,  annon  merito  exprobrabit  nobis  Christus,  irrita  nos  facere  Dei  mandata  propter  ho-  *  minum  traditiones?  Quale  vero  Dei  mandatum  spernetur?2)  Baptismus,  lavacrum  regenerationis,  quo  Christum  induimus:  baptismus,  testimonium  adoptionis  nostrae,  ingressus  in  regnum  Dei,  ablutio  in  Christi  sanguine,  novae  et  aeternae  vitae  exordium,  oleo  in  hominum  torculari  expresso  cedet.  Et  nos  Christiani  iudicabimur,  si  non  silentio  tantum  nostro,  sed  aperta  suffragatione,  locum  dabimus  tam  iniquae  comparationi?  Decrevit  etiam  concilium  Aurelianense  confirmandos  esse  omnes  1)  Ed.  germ.  habet:  aiunt.  2)  Haec  quinque  verba  absunt  ab  ed.  germanica.