6:629  IOANNIS  CALVINI  CONSILIUM  ET  CONCLUSIO.  [pag.  112]  Quoniam  satis  demonstrasse  mihi  videor  christiani  hominis  officium  non  facere,  qui  nullam  fidei  suae  confessionem  edit  tota  vita,  multo  vero  minus,  qui  idololatriae  simulatione  se  contaminat:  totam  illam  disputationem  hic  omitto.  Hoc  igitur  constituto  quaeritur,  numquid  homini  pio  migrandum  sit  potius  e  patria,  et  relinquenda  sua  vocatio,  quam  ut  missis  intersit,  mortuorum  exsequias  papistarum  more  celebret,  ac  usurpet  usitatas  in  papatu  caeremonias,  cum  verbo  Dei  pugnantes.  Respondeo:  Non  modo  spiritualem  Dei  cultum,  sed  externam  quoque  eius  professionem,  qua  Dei  gloria  continetur,  patriae,  cognatis,  vitae  denique  praeferendam  esse.  Proinde,  quicunque  in  II3  locis  degunt,  ubi  Deo  praestare  nequeunt  quae  necessario  exiguntur  ab  omnibus  Christianis,  sciant  non  minus  sibi  quam  Abrahamo  hoc  praecipi:  Exi  de  terra  tua  et  de  cognatione  tua  (Gen.  12,  1):  nisi  forte  ea  animi  virtute  et  fortitudine  praediti  sint,  ut  mortem  obire  non  dubitent,  quoties  opus  fuerit,  potius  [pag.  113]  quam  ut  in  hominum  gratiam  quidquam  a  sua  professione  alienum  designent.  Sed  obiicitur,  vocationem  legitimam,  quum  a  Deo  sit,  non  temere  ulla  de  causa  negligendam  esse:  sponte  vero  deseri  nullo  modo  oportere.  Respondeo,  christianum  hominem  suae  vocationi  alligatum  esse,  duntaxat  usque  ad  aras.  Quare,  nisi  liceat  Deo  reddere  quod  suum  est,  nihil  est  quod  retinere  nos  debeat  vel  possit.  Aut  enim  Deus  respicitur  in  vocatione,  aut  alius  propositus  est  finis.  Nisi  prima  habetur  gloriae  Dei  ratio,  frustra  nomen  hoc  ad  excusationem  obtenditur.  Si  primum  locum  obtinet,  ut  par  est,  eatenus  nos  vocationi  adstrictos  meminerimus,  ne  a  vero  sinceroque  Dei  cultu  nos  impediat.  Denique,  sicut  prior  tabula  legis  ordine  secundam  praecedit,  ita  omnia  secundae  tabulae  officia,  ad  illam,  tanquam  ad  normam,  exigenda  sunt.  Summa  autem  prioris  tabulae  est,  ut  purum  Dei  cultum,  puram  adorationem  et  invocationem  retineamus.  Constituo  igitur,  nihil  tanti  esse,  ut  eius  causa  debeat  homo  christianus  se  profanare  ullo  inquinamento