5:629  ACTES  DE  RATISBONNE.  afin  quo  celuy  qui  doit  estre  pasteur  de  tous,  soit  esleu  de  tous.  Cc  sont  les  parolles  du  Pape  Leon  en  son  Epistre  87  en  laquelle  ii  testifie  que  ces  choses,  comme  il  les  descrit,  sont  observees  en  l'election  de  l'Evesque,  par  ceux  qui  congnoissent  la  reigle  des  Peres,  et  la  doctrine  des  Apostres.  *)  A  cela  s'accorde  ce  qui  est  ordonne  de  l'election  des  Evesques  et  aultres  ministres  au  Code:  Quomodo  oporteat  Episcopos.  Item,  de  sanctissimis  Episcopis.  Et  sainct  Gregoire  escrivant  aux  Eglises,  de  l'election  des  Evesques,  commect  tousiours  la  charge  d'eslire,  au  clerge,  au  conseil  et  au  peuple,  ou  au  clerge,  au  prince  et  au  peuple,  selon  que  le  gouvernement  de  la  ville  estoit.  [fol.  14  L]  C'est  donques  un  abuz,  que  auiourdhuy  les  clercs  et  les  Evesques  sont  ordonnez  sans  l'election  et  consent  ement  du  conseil  et  du  peuple,  ou  de  ceulx  qui  ont  le  gouvernement  des  villes.  Parquoy  veu  que  les  reigles  des  sainctz  Peres  commandent  de  ne  mettre  Evesque  par  force,  et  sans  qu'il  soit  demande  du  peuple  et  disent  que  la  raison  ne  permet  nullement  qu'on  repute  pour  Evesques,  ceulx  qui  n'auront  point  este  esleuz  par  le  clerge  et  demandez  par  le  peuple:  on  doit  restituer  aux  Eglises  le  droit  de  constituer  leurs  Evesques,  afin  que  celuy  qui  doit  estre  pasteur  de  tous  soit  aussi  esleu  de  tous.  Ainsi  des  Curez  on  doit  avoir  le  consentement  des  Eglises,  au  service  desquelles  on  les  depute,  quiconque  ait  le  droict  de  les  presenter.  De  l'Examen.  Pource  qu'il  est  necessaire  que  les  ministres  ecclesiastiques  soyent  de  bonne  estime  et  irreprehensibles:  les  sainctz  canons2)  commandent  d'examiner  et  esprouver  ceulx  qu'on  doit  eslire  au  ministere.  Et  ordonnent  que  cest  examen  soit  faict  devant  toute  l'Eglise^3)  afin  que  quiconque  aura  quelque  chose  a  redire  sur  celui  qui  est  esleu,  le  puisse  mettre  en  avant.  Et  cela  a  este  tousiours  observe  anciennement.  Car  c'est  une  chose,  comme  dict  sainct  Cyprien,4)  prinse  de  l'authorite  de  l'Escripture,  comme  il  le  prouve  par  tesmoignages,  que  les  prestres  en  la  presence  du  peuple  et  devant  les  yeux  de  tous  soyent  esleuz,  afin  que  celuy  qu'on  receoit  soit  approuve  digne  et  idoine  par  le  iugement  et  tesmoignage  de  tous.  Puis  tantost  apres  il  dict:  Dieu  commande  que  le  prestre  soit  constitue  devant  toute  la  synagogue,  c'est  a  dire,  il  demonstre  qu'on  ne  doit  point  eslire  prestre,  sinon  en  l'assistance  da  peuple  et  de  1)  Dist.  63.  ca.  Vota.  2)  Au  Concile  de  Nice  c.  9.  et  plusieurs  aultres.  3)  Au  Concile  de  Carthage  c.  51.  4)  Ep.  4  du  1.  livre.