49:629  629  SUR  L'EPITRE  AUX  CORINTHIENS.  630  nonce  qu'en  ce  faisant  nous  voulons  contester  contre  luy:  et  ou  est-ce  aller  cela?  Feray-ie  la  guerre  a  mon  Dieu?  et  quelle  en  sera  l'issue?  Si  nous  disons  que  nous  ne  pretendons  point  de  luy  faire  la  guerre  en  cela,  voyci  le  sainct  Esprit  qui  en  a  prononce.  Il  est  vray  que  Moyse  n'use  point  du  mot  de  Tenter.  Il  dit  en  son  Histoire  que  le  peuple  a  este  fasche,  d'autant  qu'il  n'avoit  point  son  souhait,  mais  sainct  Paul  expose  quelle  a  este  l'offense,  et  en  donne  ici  l'arrest  au  nom  de  Dieu,  c'est  que  les  Iuifs  estans  ainsi  precipitans,  ne  peurent  porter  patiemment  la  correction  de  Dieu,  et  qu'ils  se  fascherent,  pour  ce  que  le  temps  leur  duroit  trop.  Et  c'est  autant  comme  s'ils  eussent  desfie  Dieu  a  guerre  ouverte,  quand  ils  se  sont  ainsi  par  trop  hastez:  Voyla  donc  pour  un  item.  Au  reste  avisons  encore  de  plus  pres  a  ce  que  dit  sainct  Paul,  il  dit  que  nous  ne  sentions  point  Christ,  comme  aucun  d'eux  Vont  tente.  Par  cela  il  nous  monstre  combien  que  nostre  Seigneur  Iesus  Christ  n'eust  point  encores  vestu  chair  humaine,  il  ne  laissoit  pas  toutesfois  d'estre  Chef  de  l'Eglise:  car  il  est  Dieu  eternel  :  et  auiourd'huy  il  est  nomme  Dieu  manifeste  en  chair.  Or  il  est  vray  que  ceste  manifestation  la  n'a  pas  este  sous  la  Loy:  mais  tant  y  a  que  nostre  Seigneur  Iesus  Christ  estoit  vray  Dieu,  comme  il  est  dit  qu'il  a  eu  sa  gloire  devant  la  creation  du  monde  avec  Dieu  son  Pere.  Et  non  seulement  il  nous  faut  estre  resolus  que  Iesus  Christ  en  son  essence  divine  a  eu  toute  authorite  par  dessus  le  peuple,  mais  entant  aussi  qu'il  devoit  estre  Mediateur.  Il  est  vray  qu'il  n'avoit  pas  encores  vestu  chair  humaine  pour  souffrir  mort  et  passion,  afin  de  reconcilier  le  monde  a  Dieu  son  Pere:  mais  tant  y  a  que  desia  il  faisoit  office  de  Mediateur,  et  qu'en  vertu  du  sacrifice  qui  devoit  estre  offert,  desia  les  pechez  estoyent  abolis,  et  Dieu  estoit  propice  a  son  peuple.  Car  nous  scavons  que  les  homines  n'ont  nulle  accointance  a  Dieu,  iusques  a  tant  qu'au  nom  de  nostre  Seigneur  Iesus  Christ  ils  approchent  de  luy.  Dieu  nous  est  ennemi,  et  nous  deteste,  d'autant  qu'il  n'y  a  en  nous  que  toute  ordure,  toute  pollution,  nous  sommes  abominables  en  somme.  Or  s'il  faut  que  Dieu  nous  soit  propice,  il  n'y  a  autre  moyen  d'entrer  en  grace  avec  luy  sinon  que  nos  pechez  soyent  effacez.  Cela  s'est  fait  par  la  vertu  du  Mediateur  promis.  Ce  n'est  donc  pas  sans  cause  que  S.  Paul  dit  que  les  Iuifs  tentans  Dieu  ont  tente  celuy  qu'il  leur  avoit  donne  pour  Chef,  et  par  la  grace  duquel  ils  avoyent  obtenu  d'estre  delivrez  de  l'affliction  et  de  la  servitude  d'Egypte:  et  mesmes  sur  lequel  estoit  fondee  l'adoption  gratuite  faite  a  Abraham  et  a  son  lignage.  Or  donc  notons  en  premieur  lieu,  quand  il  nous  est  parle  de  nostre  Seigneur  Iesus  Christ,  combien  qu'il  ait  endure  mort  et  passion,  et  que  non  seule-