48:629  629  DE  LA  PENTECOSTE.  630  Car  s'il  estoit  question  de  nous  arrester  a  la  sagesse  des  hommes,  que  seroit-ce?  Mais  quand  nous  avons  pour  fondement  l'Esprit  de  Dieu,  voyla  comme  nous  ne  sommes  iamais  esbranlez.  Or  cependant  nous  avons  a  penser  a  nous,  afin  que  Dieu  auiourd'huy  nous  face  participans  de  ce  que  nous  avons  nagueres  declare,  c'est  que  nous  l'invoquions  d'un  vray  accord  (ie  di  combien  que  nous  soyons  separez  de  langues)  et  puis  que  nous  soyons  renouvelez  par  la  doctrine  qui  nous  est  preschee,  en  sorte  que  nous  cognoissions  qu'il  y  a  du  feu  par  nous  changer,  et  pour  nettoyer  et  nos  sens,  et  nos  esprits,  et  nos  coeurs  de  toutes  corruptions  de  ce  monde.  Car  combien  que  les  esleus  de  Dieu  soyent  reduits  par  le  moyen  de  l'Evangile,  si  est-ce  que  d'autre  coste  nous  voyons  que  les  ennemis  de  verite  devienent  plus  fiers  et  plus  rebelles,  tellement  que  c'est  pour  mettre  le  monde  en  combat,  comme  l'experience  auiourd'huy  le  monstre.  Car  cependant  que  l'Evangile  ne  s'est  point  presche  tout  le  monde  estoit  sans  souci  et  en  repos:  il  n'y  avoit  pas  beaucoup  de  questions  ne  de  disputes.  Et  pourquoy?  Le  diable  regnoit  sans  contredit.  Mais  quand  nostre  Seigneur  Iesus  est  apparu  avec  la  pure  doctrine  de  l'Evangile,  voyla  les  escarmouches  qui  se  sont  dressees  quant  et  quant.  Et  nous  voyons  auiourd'huy  les  combats  qui  sont  entre  ceux  qui  s'appellent  Chrestiens.  D'autant  plus  devons  nous  prier  Dieu  qu'il  nous  face  sentir  pourquoy  le  sainct  Esprit  est  descendu  sur  les  Apostres,  et  qu'il  nous  ottroye  la  grace  qu'avec  toute  obeissance  nous  rendions  tesmoignage  que  c'a  este  pour  nous  recueillir,  au  lieu  qu'auparavant  nous  estions  dissipez,  et  que  nous  soyons  conioints  ensemble  sous  nostre  Seigneur  Iesus  Christ,  que  nous  soyons  membres  de  son  corps  et  que  vrayement  il  soit  nostre  Chef.  Au  reste,  pour  parvenir  la,  nous  avons  a  le  prier  aussi  qu'il  nous  donne  une  telle  fermete  que  ce  ne  soit  que  feu,  au  lieu  qu'il  n'y  a  que  froidure  en  nos  coeurs,  qu'aussi  il  nous  recuise  a  ce  que  nous  delaissions  toutes  les  corruptions  de  nostre  nature,  que  nous  soyons  tellement  renouvelez  que  ce  soit  pour  estre  separez  du  monde.  Nous  verrons  souvent  comme  la  parolle  de  Dieu  est  un  feu:  voire,  mais  c'est  bien  d'une  autre  sorte,  pour  consumer  tous  contredisans:  comme  le  Prophete  Ieremie  en  parle,  monstrant  que  mesmes  au  peuple  d'Israel  il  en  est  ainsi  advenu,  qu'ils  ont  este  comme  pailles  et  estoupes  pour  estre  bruslez  par  la  parolle  de  Dieu,  a  cause  de  leur  malice  et  rebellion.  Et  auiourd'huy  combien  y  en  a-il  qui  sont  rendus  inexcusables  d'autant  qu'ils  se  rebecquent  a  l'encontre  de  Dieu,  comme  bestes  enragees,  et  iettent  leurs  escumes,  ou  bien  d'autres,  qui  sont  mocqueurs  et  gens  profanes,  despitent  Dieu,  n'attribuans  nulle  authorite  ni  honneur  a  sa  saincte  Parolle?  Or  il