35:629  629  DE  LA  PROPHETIE  DE  CHRIST.  630  autrement  nous  ne  pourrons  avoir  repos  en  nous,  mais  qu'il  faudra  que  nous  soyons  tormentez  et  gehennez  iusques  au  bout,  sinon  d'autant  que  Iesus  Christ  nous  console  et  appaise  l'ire  de  Dieu  envers  nous.  Quand  nous  sommes  certains  de  cela,  alors  il  nous  donne  occasion  de  chanter  sa  louange:  Au  lieu  qu'auparavant  nous  ne  pouvions  sinon  gemir  et  estre  du  tout  confus.  Voyla  en  somme  ce  que  nous  avons  a  retenir  des  mots  du  Prophete.  Or  sainct  Matthieu  au  huitieme  chapitre  allegue  ce  passage,  quand  il  recite  que  nostre  Seigneur  Iesus  a  guari  toutes  maladies,  comme  il  a  illumine  les  aveugles,  il  a  fait  cheminer  les  boiteux,  il  a  rendu  l'ouye  aux  sourds,  redresse  ceux  qui  estoyent  a  demi  morts  et  paralitiques,  dechasse  les  diables  des  corps.  Cela  (dit-il)  monstre  que  le  Prophete  Isaie  non  sans  cause  dit  qu'il  a  porte  nos  infirmitez  et  a  soustenu  nos  langueurs.  Il  est  certain  que  le  Prophete  ne  parle  point  yci  des  maladies  du  corps.  Il  semble  donc  que  l'Evangeliste  ait  mal  applique  ce  tesmoignage.  Mais  c'est  qu'il  declare  que  nostre  Seigneur  Iesus  en  guarissant  les  maladies  apparentes,  nous  a  voulu  mener  plus  haut,  d'autant  qu'il  nous  a  voulu  faire  la  contempler  comme  en  figure,  pourquoy  il  estoit  venu  au  monde.  Quand  donc  nous  oyons  que  nostre  Seigneur  Iesus  Christ  a  donne  vertu  aux  paralitiques,  qu'il  a  mesmement  ressuscite  les  morts,  qu'il  a  aussi  donne  guarison  a  toutes  les  maladies,  que  nous  scachions  qu'a  vue  d'oeil,  selon  nostre  rudesse  et  infirmite,  il  nous  a  declare  qu'il  est  nostre  Medecin  spirituel:  et  que  nous  apprenions  (comme  i'ay  desia  dit)  que  tous  les  vices  ausquels  nous  sommes  enclins,  sont  autant  de  corruptions  en  nos  ames.  Et  tout  ainsi  qu'au  corps  il  y  a  des  mauvaises  humeurs,  il  y  a  d'autres  choses  semblables:  Brief,  il  y  a  des  maladies  secretes,  de  mesmes  en  est-il  de  nos  ames:  et  d'autant  qu'elles  sont  plenes  de  vices  devant  Dieu,  elles  ont  besoin  aussi  de  medecin.  Et  qui  sera-il?  Nous  ne  le  trouverons  ni  au  ciel  ni  eu  la  terre,  sinon  celui  qui  nous  a  este  donne  du  Pere  celeste:  c'est  ascavoir  nostre  Seigneur  Iesus  Christ.  Ainsi  donc  si  nous  ne  cognoissons  comme  nostre  Seigneur  Iesus  nous  a  apporte  guarison  quant  a  nos  ames,  venons  a  ceste  figure  qui  nous  est  monstree,  quand  il  a  illumine  les  aveugles:  car  ii  est  certain  qu'en  nos  ames  il  n'y  a  qu'aveuglement  et  bestise.  Apres,  Iesus  Christ  a  fait  parler  les  muets.  Or  a  quoy  applicquons-nous  nostre  langue,  sinon  a  mal,  iusques  a  ce  que  Iesus  Christ  luy  ait  rendu  son  vray  usage?  Nous  sommes  plus  que  sourds,  d'autant  que  la  parolle  de  Dieu  n'ha  nulle  entree  en  nous:  il  faut  donc  que  l'ouye  nous  soit  rendue  aussi  bien  par  nostre  Seigneur  Iesus  Christ,  Brief,  quand  nous  conioindrons  ce  qui  est  la  propose  en  sainct  Matthieu,  avec  ce  que  le  Prophete  Isaie^a  voulu  declarer,