9:628  qu'il  fait,  il  estonnera  tout  le  monde.  Et  de  faict,  il  glose  si  bien  sur  la  langue  Hebraique,  que  nul  de  ceux  qui  en  ont  este  les  plus  savans  et  experts  n'y  sauroyent  rien  entendre.  Ces  badinages  ostez,  la  fin  de  son  livre  est  comme  le  derriere  d'un  singe.  Car  il  n'y  a  si  petit  enfant  qui  ne  voye  une  turpitude  honteuse.  Seulement  i'advertiray  les  Lecteurs  qu'ils  considerent  a  quel  titre  il  applique  a  soy  ce  que  sainct  Paul  a  dit,  Que  rien  ne  separera  les  fideles  de  la  dilection  de  Dieu  (Rom.  8,  39).  Encore  que  ie  laisse  pour  ceste  heure  son  ignorance  quant  a  l'exposition  du  passage:  comment  s'ose-il  vanter  d'estre  de  ce  nombre-la?  veu  que  notamment  il  est  dit,  Que  pour  estre  advouez  tels,  il  faut  que  nous  ayons  receu  l'Esprit  d'adoption,  et  non  point  de  servitude,  voire  pour  crier,  Abba,  Pere,  et  qu'il  nous  faut  souffrir  avec  Iesus  Christ  pour  estre  participans  de  sa  gloire  (Rom.  8,  15.  17).  Or  ce  rustre  veut  que  le  nom  de  Dieu  soit  enseveli,  que  nous  soyons  sages  en  ne  sonnant  mot,  et  qu'en  nous  tenans  cachez  nousfuyons  ioliment  toute  persecution.  Au  reste  au  lieu  que  S.  Paul  dit  (Rom.  8,  39)  que  nous  surmonterons  tout  ce  qui  nous  est  contraire  par  l'amour  que  Dieu  nous  porte  (comme  les  mots  y  sont  expres),  ce  babouin  tourne  le  sens  tout  a  l'envers,  prenant  l'amour  que  nous  portons  a  Dieu.  Laissons  passer  cest  erreur:  comment  pourra-on  discerner  ceux  qui  aiment  Dieu  d'avec  les  contempteurs  et  ennemis  de  sa  maieste?  Ie  croy  que  l'exemple  de  David  nous  pourra  bien  servir  de  touche  a  tel  examen.  Car  apres  [page  76]  avoir  dit  qu'il  aimera  Dieu,  il  adiouste  qu'il  le  preschera  entre  les  peuples  et  chantera  cantiques  a  son  nom  (Ps.  18,  2.  50).  Parquoy  il  ne  reste  a  ce  vilain  et  ingrat,  sinon  d'escouler  comme  eau,  et  finalement  perir  d'une  facon  horrible  avec  tous  ceux  qu'il  attierra  a  sa  maudite  sequele.  F  I  N  .