6:628  Modo  [pag.  m  ]  nos  ubique  possumus  et  sacramenta  percipere,  et  laudes  offerre  Deo.  Neque  nimis  blandiantur  sibi  exemplo  Naaman  Syri:  nam  ibi  nil  aliud  a  propheta  petit,  nisi  ut  Deus  sibi  velit  ignoscere,  quando  in  templo  Rimon  adoraverit.  Ex  eius  postur  latione  non  evincitur,  id  quod  erat  facturus,  non  esse  peccatum;  sed  orat  ut  si  in  id  inciderit,  remissionem  precibus  obtineat.  Neque  propheta  aliquid  ei  promisit  in  eo  facto:  solummodo  respondit:  Vade  in  pace.  Quo  responso  abeuntem  salutat,  aut  recipit  se  pro  illo  oraturum,  non  tamen  illud  ei  licere  affirmat.  Postremo,  dum  sunt  dispersi  fratres  in  babylonica  captivitate,  videant  ut  aliquem,  si  fieri  potest,  inter  se  habeant  sanctum  conventum.  Apostoli  enim  Hierosolymis,  etsi  post  necem  Christi  intererant  quandoque  in  templo  iudaicis  caeremoniis:  attamen  inter  se  coenam  dominicam  habebant,  et  orationibus  atque  verbo  Dei  simul  vacabant.  Petrus  Martyr.  Et  haec  mihi  probantur.  M.  Bucerus.