49:628  part,  que  nous  soyons  enseignez  d'y  remedier  de  bonne  heure,  selon  que  nous  voyons  que  le  sainct  Esprit  nous  advertit  en  ce  passage.  Or  apres  que  sainct  Paul  a  traitte  de  la  paillardise,  il  adiouste  que  nous  ne  sentions  point  Christ,  comme  aucuns  d'eux  Vont  tente.  Il  touche  l'histoire  qui  est  recitee  au  vingt  et  unieme  chapitre  des  Nombres,  la  ou  le  peuple  se  plaint  et  fait  ses  queremonies  contre  Dieu,  pour  ce  qu'il  avoit  desia  par  trop  langui  au  desert:  voire  a  son  avis.  Mais  regardons  quelle  occasion  il  y  avoit.  Dieu  les  promene  a  cause  de  leur  incredulite.  Si  le  peuple  estant  sorti  d'Egypte,  ayant  passe  la  mer  rouge  se  fust  offert  a  Dieu  d'un  franc  courage,  pour  dire,  Seigneur,  que  tu  nous  gouvernes,  que  tu  nous  guides,  et  que  nous  entrerions  en  l'heritage  que  tu  as  promis  a  nos  Peres  :  il  est  certain  que  la  main.  leur  estoit  tendue,  et  n'y  eust  eu  nulle  difficulte  que  Dieu  ne  les  eust  fait  iouir  de  la  grace  qu'il  leur  avoit  promise,  et  de  laquelle  ont  este  desnuez  tous  ceux  qui  sont  sortis  d'Egypte,  excepte  Caleb  et  Iosue.  Or  cependant  encores  sont-ils  faschez  que  Dieu  ne  se  haste  plustost,  combien  qu'il  ait  retarde  l'accomplissement  de  sa  promesse  par  leur  faute  et  combien  qu'ils  soyent  coulpables  de  ce  que  Dieu  les  fait  tenir  ainsi  en  suspens.  Iis  ne  laissent  pas  pourtant  pour  cela  de  se  despiter,  et  en  la  fin  de  le  tenter.  Or  desia  nous  voyons  la  malice  de  ce  peuple:  mais  S.  Paul  nous  declare  mieux  quelle  offense  ca  estoit  de  murmurer  ainsi  et  d'estre  impatiens,  quand  il  dit  qu'ils  ont  tente  Christ.  Or  de  ce  passage  nous  avons  a  recueillir,  que  quand  nous  sommes  trop  hastifs,  et  que  nous  ne  pouvons  demeurer  quoys,  attendans  que  nostre  Seigneur  accomplisse  ce  qu'il  nous  a  promis,  en  temps  opportun,  ceste  impatience  la  ou  hastivite  trop  grande  est  tenter  Dieu,  comme  si  nous  le  voulions  desfier,  et  entrer  en  combat  avec  luy.  Et  qui  est  ce  qui  n'ha  cela  en  horreur?  Une  telle  audace  et  si  diabolique,  que  nous  venions  nous  attacher  a  Dieu,  et  que  nous  essayons  sa  force  pour  voir  s'il  gagnera  pardessus  nous,  ou  bien  si  nous  aurons  la  victoire?  Et  comment?  cela  seroit  detestable:  nature  mesme  nous  enseigne  de  l'avoir  en  horreur:  Mais  tant  y  a  que  toutesfois  et  quantes  que  nous  ne  pouvons  souffrir  que  Dieu  nous  gouverne  selon  sa  volonte,  mais  sommes  bouillans  en  nos  passions,  que  nous  voulons  prevenir,  que  nous  voulons  qu'il  s'assubietisse  a  nos  souhaits,  nous  le  tenions,  c'est  a  dire  qu'avec  une  desfiance  nous  entrons  contre  luy  comme  luy  voulans  faire  la  guerre.  Puis  qu'ainsi  est  donc,  apprenons  de  cheminer  en  plus  grande  humilite  et  modestie  dores  en  avant,  et  que  ce  passage  de  nous  serve  de  bride,  toutesfois  et  quantes  que  nos  appetis  seront  trop  soudains,  et  que  mesmes  il  y  aura  de  l'impatience.  Car  voici  Dieu  qui  pro-