48:628  y  ait  diversite  quant  au  langage.  Voyla  donc  comme  l'Esprit  de  .Dieu  a  voulu  desployer  sa  vertu  en  ces  langues,  afin  que  le  nom  de  Dieu  fust  invoque  de  tous  et  que  nous  fussions  ensemble  faits  participans  de  ceste  alliance  de  salut  qui  appartenoit  seulement  aux  Iuifs  iusqu'a  ce  que  la  paroy  ait  este  rompue.  Et  en  cela  voyons  nous  une  bonte  admirable  de  nostre  Dieu,  quand  il  a  converti  le  mal  en  bien.  Car  si  nous  cherchons  la  cause  pourquoy  il  y  a  divers  langages  au  monde,  il  faut  venir  la  que  c'est  une  malediction  de  Dieu:  et  toutesfois  yci  apparoit  sa  bonte  et  misericorde  paternelle,  quand  le  message  de  vie  a  este  apporte  en  toutes  langues.  Yoyla  comme  Dieu  convertit  le  mal  en  bien.  Et  tant  plus  avons-nous  a  magnifier  et  benir  son  sainct  Nom,  cognoissans  que  la  diversite  de  langages  ne  l'a  point  empesche  qu'il  n'ait  declare  par  tout  le  monde  qu'il  vouloit  recevoir  ceux  qui  auparavant  estoyent  estranges  de  luy,  et  les  assembler  tous  comme  en  son  giron,  iusques  a  ce  qu'ils  soyent  recueillis  en  l'heritage  des  cieux.  Voyla  donc  pour  un  item.  Mais  ce  ne  seroit  point  assez  que  l'Evangile  se  preschast,  et  que  Dieu  par  ce  moyen  fust  cognu  de  tout  le  monde,  sinon  que  ceste  doctrine  eust  quant  et  quant  vertu  pour  toucher  ies  coeurs  au  vif,  et  pour  attirer  les  hommes  en  obeissance.  Voyla  aussi  pourquoy  les  langues  sont  apparues  comme  de  feu.  Voire,  car  en  premier  lieu  nous  avons  besoin  d'estre  purgez  d'autant  qu'il  n'y  a  en  nous  que  corruption  et  ordure.  Qu'on  espluche  tous  nos  sens,  qu'on  examine  nos  affections  et  desirs,  on  trouvera  qu'il  n'y  a  par  tout  que  puantise.  Il  faut  donc  que  nous  soyons  comme  recuits,  et  que  Dieu  nous  purge  d'une  facon  estrange.  Et  puis,  d'autre  coste,  nous  sommes  tant  froids  que  rien  plus.  Nous  avons  donc  besoin  d'estre  enflammez  en  l'amour  de  Dieu:  et  au  lieu  que  nous  sommes  enveloppez  en  la  terre,  qu'il  nous  esleve  en  haut,  ce  qu'il  fait  par  le  moyen  de  sa  Parolle.  Maintenant  nous  voyons  en  somme  de  quoy  ceste  histoire  nous  sert  auiourd'huy.  C'est  en  premier  lieu  afin  que  nous  recevions  la  doctrine  de  l'Evangile  comme  une  verite  certaine  et  infalible,  d'autant  qu'elle  porte  la  marque  de  Dieu  et  qu'elle  et  seellee  par  son  sainct  Esprit  et  est  un  tesmoignage  excellent  de  nostre  adoption.  Yoyla  donc  comme  nous  sommes  rangez  en  obeissance,  voyans  que  Dieu  a  donne  approbation  a  son  Evangile,  et  pour  estre  la  confermez  afin  que  nostre  foy  ne  soit  plus  variable,  et  que  nous  ne  soyons  point  en  branle  pour  changer  de  propos  et  d'opinion,  mais  que  nous  marchions  tousiours  sans  decliner  du  bon  chemin,  iusques  a  ce  que  nous  ayons  acheve  nostre  course.  Voyla  comme  en  la  vertu  de  l'Esprit  de  Dieu  nostre  foy  sera  victorieuse  par  dessus  le  monde.