5:627  ACTES  DE  RATISBONNE.  On  pourra  faire  facilement  que  la  noblesse,  qui  est  es  chappitres,  iouira  de  la  plus  grand  part  des  revenuz.  toutesfoys  aucuns  chappitres  et  Monasteres  seront  transferez  et  appliquez  a  ces  trois  degrez:  c'est  a  scavoir,  pour  accroistre  les  gages  des  Pasteurs,  et  deo  Diacres  :  puis  pour  ordonner  les  assemblees  des  iuges  et  les  escoles,  esquelles  non  seulement  on  donnera  gages  aux  maitres  et  regens,  mais  aussi  la  vie  moyenement  aux  paovres  escoliers:  et  a  celle  fin  que  cela  se  face  plus  facilement,  les  riches  monasteres  seront  transferez  a  ces  usages,  esquelz  maintenant  on  ne  nourrist  que  gens  oyseux  et  ne  scachans  rien  faire.  Et  vauldroit  beaucoup  mieux  que  ceste  maniere  de  gens  fust  du  tout  abolie,  que  les  fideles  pasteurs  avec  leurs  femmes  honnestes  et  enfans  craignans  Dieu  eussent  indigence,  ou  ceulx  qui  sont  es  escoles:  ou  que  les  Eglises  fussent  sans  pasteurs:  ou  que  les  estudes  des  letres  fussent  delaissez:  veu  que  Christ  dict:  que  l'ouvrier  est  digne  de  son  loyer,  et  sainct  Paul  dict:  Que  nul  ne  bataille  pour  aultruy  a  ses  propres  gages.  Le  commandement  de  Dieu  est  tel  que  les  gages  de  ceulx  qui  apprennent  et  enseignent  soyent  donnez  pour  ceste  bataille  de  l'Eglise.  Et  pour  ceste  cause  ces  richesses  [fol.  139]  lesquelles  ilz  tiennent  maintenant,  ont  este  donnees  en  pur  don  par  les  bons  Roys  et  Princes.  Or  c'est  une  chose  inique,  que  ceux  qui  ne  servent  a  rien  sinon  qu'a  menger  ce  que  les  aulfcres  ont  amasse,  ravissent  les  gages  qui  ne  leur  appartiennent,  et  que  ce  pendant  ceux  qui  portent  le  dur  faiz  et  a  enseigner  et  a  gouverner,  meurent  de  faim.  Mutation  doit  estre  faicte  en  ces  choses  par  l'authorite  et  conseil  des  bons  et  sages  Roys  et  Princes.  Or  quant  aux  monasteres  des  vierges,  il  est  expedient  d'absouldre  de  tous  voeuz  ce  sexe  tant  infirme.