49:627  627  SERMONS  628  au  mal.  Ii  faut  qu'ils  ie  voyent,  et  hument  ceste  angoisse  la.  Or  il  est  vray  que  cela  est  a  reputer  pour  vertu,  de  ce  qu'ils  gemissent  et  se  tormentent  en  eux-mesmes:  Mais  cependant  si  est-ce  que  Dieu  les  punist,  entant  qu'ils  ne  peuvent  faire  que  une  telle  ordure  et  pollution  soit  ostee.  Quand  nous  voyons  cela,  cognoissons  que  nous  sommes  admonestez  comme  si  Dieu  nous  monstroit  la  chose  au  doigt,  de  ne  point  souffrir  que  les  vices  demeurent  long  temps:  mais  quand  ils  seront  encores  en  herbe,  qu'on  les  arrache,  ainsi  que  l'Apostre  le  monstre  en  l'Epistre  aux  Hebrieux.  Et  de  faict,  ceste  histoire  ci  nous  est  confermee  par  trop  d'exemples:  et  si  nous  ouvrions  les  yeux,  encores  pourrions-nous  voir  de  nostre  temps  comme  il  est  advenu  qu'on  ne  pouvoit  pas  remedier  a  beaucoup  de  crimes,  la  ou  nostre  Seigneur  estoit  vilippende  manifestement.  On  voyoit  que  les  meschans  et  desbordez,  s'ils  eussent  crache  au  visage  de  Dieu,  n'eussent  peu  monstrer  leur  impiete  plus  evidemment,  car  on  l'appercevoit  j  a  l'oeil  :  on  voyoit  les  vilenies  qui  se  commettoyent.  Et  cependant  quoy?  Ii  est  vray  qu'aucuns  disoyent  bien,  Helas,  iusques  a  quand  ceci  durera-il?  mais  qui  estoit  celuy  qui  y  mist  la  main?  Encores  voit-on  Phinees  qui  ne  peut  souffrir  cest  opprobre:  il  desgaine  l'espee  et  tue  tant  le  paillard  que  la  putain:  et  Dieu  luy  donna  la  Sacrificature  pour  ceste  cause  la,  et  veut  que  cest  acte  la  soit  renomme,  comme  digne  de  memoire  iusques  a  ia  fin  du  monde.  Et  dit  que  c'est  une  iustice  laquelie  il  approuve,  et  laquelle  il  veut  estre  preschee  par  tout.  Mais  tant  y  a  encores  qu'alors  et  de  nostre  temps,  et  tousiours  quand  tout  sera  bien  regarde,  nostre  Seigneur  a  permis  que  Satan  eust  son  regne,  quand  les  vices  ont  este  supportez,  et  qu'on  ne  s'est  point  soucie  de  prevenir  ceste  enormite  et  confusion  de  laquelle  nous  avons  touche.  Apprenons  donc  cependant  que  nous  verrons  le  mal  estre  en  herbe  et  de  l'arracher  :  et  qu'on  ne  attende  pas  qu'on  s'abrutisse:  et  mesmes  voyans  que  la  paillardise  a  este  cause  d'une  telle  ire  de  Dieu  sur  le  peuple  d'Israel,  qui  estoit  eleu  de  ce  temps  la,  et  adopte  comme  nous  sommes  auiourd'huy,  que  nous  scachions  quand  telle  vilenie  sera  nourrie  et  qu'elle  cropira  entre  nous,  que  c'est  un  feu  de  la  vengence  de  Dieu  qui  couve,  et  faudra  qu'il  consume  ceux  qui  auront  aide  a  le  nourrir.  Comme  nous  en  verrons  beaucoup  de  vileins  qui  voudroyent  qu'il  y  eust  un  bordeau  de  toute  corruption:  et  s'ils  ne  le  disent  de  bouche,  ils  le  monstrent,  empeschans  qu'on  y  mette  les  remedes  convenables:  et  ce  leur  est  tout  un.  Mais  il  faudra  que  Dieu  renvoye  sur  leurs  testes  propres  le  payement  dont  ils  sont  dignes:  et  ils  le  sentiront,  comme  i'ay  dit,  et  puis  qu'ils  couvent  le  feu,  il  faudra  qu'ils  en  soyent  consumez,  et  eux  et  leur  meslinge.  Mais  de  nostre