48:627  627  SERMONS  628  Apostres  fussent  gouvernez  par  l'Esprit  de  Dieu,  ou  autrement  ils  fussent  devenus  muets.  Nous  voyons  aussi  quelle  rudesse  il  y  a  eu  en  eux,  car  ils  pouvoyent  avoir  un  esprit  plus  agile  et  plus  aigu  beaucoup,  sinon  que  Dieu  en  leur  rudesse  nous  eust  voulu  monstrer,  comme  en  un  miroir,  que  c'est  de  nous  iusques  a  ce  que  nous  soyons  illuminez  par  sa  grace.  Il  est  vray,  quand  les  Apostres  ont  converse  avec  nostre  Seigneur  Iesus,  qu'ils  Tont  tenu  pour  leur  Maistre,  ils  se  sont  assuietis  en  toute  modestie  a  sa  doctrine,  mais  cependant  quel  a  este  leur  scavoir?  Nous  voyons  qu'ils  ont  este  povres  bestes,  tellement  qu'en  reputant  comme  ils  ont  mal  profite  en  une  si  bonne  escbole,  il  faut  que  nous  ayons  honte  de  leur  tardivete.  Mais  cela  nous  a  beaucoup  servi:  car  les  voyla  changez  en  une  minute  de  temps,  tellement  que  la  grace  de  Dieu  ha  taut  meilleur  lustre,  d'autant  que  nous  voyons,  qu'ils  parlent  des  secrets  de  Dieu  si  hautement  que  merveilles,  et  chacun  en  est  estonne,  et  auparavant  ce  n'estoit  rien.  D'avantage  regardons  quelle  a  este  leur  vertu  et  constance:  ils  sont  defaillis  tous,  et  sembloit  que  leur  foy  fust  amortie  et  esteinte.  Voyla  Pierre  qui  estoit  comme  le  principal,  qui  a  si  vileinement  renonce  son  maistre,  et  s'est  rendu  comme  esclave  de  Satan.  Il  faloit  bien  donc  que  Dieu  y  mist  la  main:  car  le  remede,  quant  aux  hommes,  estoit  du  tout  impossible.  Et  ainsi  notons  que  non  sans  cause  l'Esprit  de  Dieu  est  apparu  sous  forme  de  langues,  pour  monstrer  que  par  ce  moyen  la  doctrine  de  l'Evangile  a  este  approuvee  et  seellee  de  Dieu,  afin  que  nous  la  recevions  en  toute  reverence  et  humilite,  et  qu'on  ne  dispute  point  d'ou  elle  est  procedee:  veu  que  Dieu  a  desploye  son  bras  et  a  declare  que  c'estoit  luy  qui  en  estoit  l'auteur.  Et  au  reste  ce  n'est  point  sans  cause  que  les  langues  sont  descoupees  et  de  feu.  Car  nous  scavons  comme  le  genre  humain  avoit  este  divise  en  soy  d'autant  qu'il  s'estoit  aliene  de  Dieu.  Et  ce  complot  qui  s'est  fait  d'edifier  la  tour  de  Babylone,  a  este  cause  que  les  hommes  ont  este  barbares  l'un  a  l'autre,  tellement  qu'il  n'y  a  plus  eu  de  communication:  mais  sembloit  que  Dieu  les  eust  dissipez  comme  par  despit.  Comme  donc  les  Apostres,  ayans  tousiours  este  enclos  comme  povres  gens  idiots  et  non  letrez,  en  cest  anglet  de  Iudee,  eussent-ils  peu  publier  l'Evangile  par  tout  le  monde,  sinon  que  Dieu  eust  accompli  ce  qu'il  avoit  promis  auparavant,  c'est  a  scavoir  qu'il  seroit  cognu  de  toutes  langues  et  de  toutes  nations?  Il  est  vray  qu'il  est  bien  dit  que  tous  parleront  la  langue  Hebraique  pour  consentir  en  une  vraye  foy:  mais  cela  nous  est  mieux  declare  quand  il  est  dit  que  tous  fideles,  de  quelque  region  qu'ils  soyent,  crieront  Abba  Pere,  invoquans  Dieu  d'un  commun  accord  :  combien  qu'il