25:627  627  SERMON  III.  628  il  est  question  de  s'avancer:  voila  des  habilles  gens,  quand  ils  pensent  marcher  un  pas,  ils  se  rompent  le  col.  Et  a  bon  droit;  car  il  faut  que  Dieu  se  moque  de  leur  outrecuidance,  mesmes  qu'il  s'en  venge,  pource  qu'elle  est  plaine  de  sacrilege.  Mais  quand  il  est  dit  :  Que  c'est  Dieu  qui  a  mis  la  terre  a  leur  commandement:  cognoissons  qu'il  n'y  a  nulle  force  en  nous,  et  qu'il  nous  faut  aussi  despouiller  de  toute  fiance.  Et  quand  nous  serons  ainsi  abbatus,  que  nous  prenions  courage,  sachans  que  Dieu  parfera  son  oeuvre,  qu'il  n'a  point  oublie  son  mestier,  et  ne  cessera  iamais  iusques  a  ce  qu'il  ait  accompli  ce  qu'il  nous  a  promis.  Au  reste,  s'il  a  fallu  que  la  terre  fust  mise  devant  le  peuple  d'Israel,  et  que  cela  se  fist  par  la  main  de  Dieu:  ie  vous  prie,  ne  faut-il  pas  bien  que  le  ciel  soit  mis  devant  nous?  Car  il  falloit  que  ce  peuple  ici  vainquist  des  hommes  mortels,  qu'il  entrast  en  possession  d'un  pays  estrange:  mais  il  nous  faut  vaincre  le  prince  du  monde  Satan,  il  nous  faut  vaincre  cent  millions  d'ennemis  qui  bataillent  contre  nous,  il  faut  mesmes  que  ce  qui  est  du  nostre  soit  aneanti.  Il  faut  que  nous  montions  la  haut.  Et  quelle  distance  y  a-il  d'ici  bas  iusques  au  ciel?  Puis  qu'ainsi  est  donc,  recourons  a  nostre  Dieu,  remettons-nous  du  tout  a��  luy,  soyons  appuyez  sur  sa  pure  grace,  invoquonsle  en  humilite  et  sollicitude.  Et  cependant  que  nous  marchions  en  telle  sorte,  que  nous  souffrions  qu'il  nous  conduise  et  gouverne,  sachans  qu'il  ne  nous  defaudra  point.  Quand  donc  nous  y  procederons  ainsi,  nous  sentirons  que  la  fiance  que  nous  aurons  de  parvenir  a  sulut,  ne  sera  point  pour  nous  enfler  d'une  vaine  arrogance:  mais  ce  sera  pour  attribuer  a  Dieu  l'honneur  qui  luy  appartient  au  nom  de  nostre  Seigneur  Iesus  Christ.  LE  TROISIEME  SERMON  SUR  LE  CHAP.  L  V.  9.15.  DU  MERCREDI  27E  IOUR  DE  MARS  1555.  Entre  les  biens  que  Dieu  a  fait  au  peuple  d'Israel,  apres  l'avoir  delivre  de  la  servitude  d'Egypte,  c'est  qu'il  a  tousiours  tenu  la  main  pour  le  gouverner.  Car  sans  cela  aussi  que  seroit-ce  des  hommes?  Il  y  a  moins  de  conduite  en  eux  qu'aux  bestes  brutes,  quand  tout  sera  bien  regarde.  Ainsi  donc  il  est  mestier  que  Dieu  y  mette  ordre,  afin  de  le  conduire.  Or  maintenant  Moyse  reduit  en  memoire  au  peuple  comme  Dieu  a  este  son  conducteur  de  tout  temps:  et  ne  s'est  point  contente  de  l'avoir  retire  de  ceste  captivite  horrible  en  laquelle  il  estoit  detenu,  mais  il  a  establi  un  regime  et  une  police  telle,  qu'il  ne  tenoit  qu'au  peuple  qu'il  ne  vesquist  en  repos,  et  qu'il  ne  cheminast