8:626  ad  symmetriam  corporis  alludens  Paulus  κατηρτισμένους  dicit,  quasi  concinne  aptatos.*)  Secundo  eiusdem  Epistolae  cap.  (v.  6)  sapientiam  se  loqui  dicit  inter  perfectos.  Sed  quum  tales  rudibus  efc  pueris  opponat,  nihil  aliud  quam  integritas  notatur.  Nam  ita  vocem  hebraicam  reddiderunt  graeci  [pag.  23  5]  interpretes.  Sic  14  eiusdem  Epistolae  (v.  20),  ex  quo  Servetus  tertium  testimonium  petit,  admonet  ut  sint  sensibus  perfecti.  Quid  autem  hoc  sibi  vult,  nisi  ut  sincero  iudicio,  rectaque  intelligentia  praediti  sint?  Secundae  Epistolae  13  (v.  9),  ad  sectandam  perfectionem  Corinthios  exstimulat,  eamque  a  Domino  ipsis  precatur.  Inde  colligit  Servetus  sub  carnis  infirmitate  nos  tamen  es^e  perfectos.  Ephesiorum  sexto  (v.  13)  perperam  in  veteri  translatione  legitur:  Ut  possitis  in  omnibus  perfecti  stare:  quum  prorsus  aliud  sonent  verba  Pauli,  nempe:  Omnibus  peractis,  vel  confectis.  Hinc  Serveto  perfecta  iustitiae  puritas.  Colossen.  1  (v.  28)  in  hoc  studium  se  incumbere  Paulus  dicit  ut  omnes  exhibeat  perfectos  in  Christo.  Quasi  vero  non  ideo  sit  hic  continuus  piis  doctoribus  labor,  quia  nunquam  in  hac  vita  absolvitur  perfectio.  Item  4  (v.  12)  cap.  Epaphram  anxie  precari  dicit,  ut  stent  perfecti  et  completi  in  omni  voluntate  Dei.  Atqui  supervacua  fuisset  Epaphrae  oratio,2)  si  iam  tunc  perfectionem  adepti  forent.  Apostolus  5  ad  Hebr.  cap.  (v.  14)  perfectis  dicit  congruere  solidum  cibum.  Quis  non  statae  aetatis  viros  ita  vocari  intelligit?  Hinc  rursus  Serveto  illibata  iustitiae  puritas.  Sexto  cap.  (v.  1)  ad  perfectionem  ferri  iubet  fideles.  Hinc  probat  Servetus  perfectionis  scopum  attigisse.  Quia  7  et  10  cap.  evangelium,  dicitur  ad  perfectionem  adducere,  in  medio  vitae  cursu  eam  constituit.  Quia  9  cap.  legem  negat  perfectos  reddere  suos  cultores,  colligit  Servetus  nihil  in  Christianis  esse  maculae.  Capite  12  (v.  23),  sanctos  qui  mortem  obierunt  perfectos  vocat.  Haec  perfectio  ad  praesentem  vitam  a  Serveto  transfertur.  Iacobus  1.  cap.  (v.  4)  fideles  ad  patientiam  hortatur,  quae  [pag.  236]  perfecta  est  virtus,  ut  sint  perfecti  et  integri:  ob  hanc  causam  Servetus  omni  naevo  eos  abstergit.  Tertio  cap.  (v.  2)  dicit:  Si  quis  lingua  non  peccet,  eum  demum  perfectum,  esse.  Quum  tale  exemplum  nusquam  proferre  liceat,  quasi  tamen  divinae  sint  omnium  linguae,  Servetus  dici  perfectos  contendit.  Perfectionem  Petrus  cap.  1  suae  Epistolae  (v.  13  sqq.)  commendat,  nempe  ut  ad  eam  enitantur  filii  Dei.  Hinc  colligit  Servetus,  iam  adeptos  esse.  Iohannes  suae  Epistolae  cap.  2  (v.  5)  in  hoc  sitam  esse  perfectam  1)  Ie  laisse  a  dire  que  le  mot  Grec  n'emporte  point  perfection  :  mais  plustost  qu'ils  soyent  unis  et  compasses  ensemble  en  bonne  liaison  comme  membres  d'un  corps.  2)  Add.  qui  est  tout  au  rebourb  de  l'intention  de  Servet.  40