6:626  domi,  et  ubicunque  reperiebant,  qui  audire  sustinerent.  Utebantur  quidem  etiam  dispensatione,  et  in  doctrina,  et  in  caeremoniis.  Infirmabantur  cum  infirmis,  iudaizabant  cum  Iudaeis:  sed  ut  electos  Dei  sensim  et  ordine  ea  quae  Christi  sunt  docerent,  infirmos  corroborarent,  et  sublatis  humanis  studiis  omnes  in  Christo  pura  et  solida  fide  eius  unum  novum  hominem,  et  in  via  Dei  perpetuo  adolescentem,  et  ad  mensuram  plenae  adultae  aetatis  Christi  grandescentem  [pag.  108]  efficerent.  Nihil  dissimulabant,  aut  simulabant.  Quae  agebant  quum  in  communibus  rebus,  tum  in  sacris,  vero  corde,  et  recto  studio  glorificandi  Christum,  et  lucrifaciendi  fratres,  agebant.  Tacebant  quaedam  in  loco,  sed  ut  ea  commodius  et  efficacius  docerent,  quibus  animos  et  ad  ea  percipienda  praepararent,  quae  adhuc  continebant:  propterea  quod  tradere  cum  fructu  nondum  poterant.  Utebantur  caeremoniis  interdum  iudaicis,  sed  ut  ab  illis  revocarent  qui  eis  utebantur  superstitiose.  In  confesso  nunc  est  apud  omnes  rite  doctos,  fidem  Christi  in  messis  esse  manifestam  Christi  negationem  :  non  solum  propter  vulgatam  persuasionem  sacrificii,  quod  prosit  per  se  communicantibus  cum  eo,  praesentia  tantum  corporali,  et  largitione,  sine  poenitentia  et  fide  Christi:  sed  etiam  quod  Christus  ibi  non  praedicatur,  sacramentum  pro  eo  adoratur,  et  quidquid  in  sancta  coena  instituit  pervertitur.  Eadem  admittuntur  in  pompis  et  cultibus  sacramentalibus,  et  reliquiarum,  imaginum  atque  statuarum.  Fugienda  igitur  haec  sunt,  detegenda  et  anathematizanda  ,  et  homines  ab  illis  revocandi  summo  studio.  Cui  vero  Dominus  tantum  roboris  non  dederit,  is  tamen  ne  desperet:  sed  nec  securus  in  eo  sit,  suamque  [pag.  109]  infirmitatem,  ne  prudentiae  aut  dispensationis  colore  conetur  infucare.  Naaman  Syrus  quidem  adoravit  in  templo  Rimon,  sed  Deum  verum,  quod  indubie  non  minus  verbis  quam  sacrificiis,  quae  iam  soli  Domino  faciebat,  confessus  est.  Deum  fratres  infirmiores  semper  orent  per  Christum  Dominum,  ut  ipse  confitendi  praedicandique  sui  animum  fortem  inspiret,  viamque  et  rationem  idoneam  monstret.  Fortes  infirmiores  spiritu  mansueto  instaurent,  et  corroborent,  non  abiiciant  aut  frangant.  Si  quem  Deus  ad  asserendum  regnum  suum,  sive  in  sacro  ministerio,  sive  in  privata  vita,  ampliore  dispensatione  quam  hic  descripta  est,  vocaverit,  hunc  reget  ipse  spiritu  suo:  cui  precamur,  ut  ductum  spiritus  sancti  pure  et  feliciter  sequatur.  Dominus  Iesus  congreget  ipse  oves  suas  et  pascat,  Amen.  8.  Maii  1545.  Martinus  Bucerus,  Calvini  opera  Vol  VI,