5:626  Parquoy  les  saiges  gouverneurs  doyvent  donner  ordre,  que  de  rcchef,  la  vraye  et  pure  doctrine  de  Christ  soit  enseignee  aux  escoles,  a  celle  fin  que  la  verite  non  corrumpue,  puisse  estre  communicquee  aux  pasteurs.  D'avantage,  pource  qu'on  aura  faulte  d'un  grand  nombre  de  Pasteurs,  en  chascune  contree,  paovres  escoliers  doyvent  estre  nourriz  du  bien  publicque,  lesquelz  apres  qu'ilz  auront  apprins  la  doctrine  chrestienne,  pourront  estre  ordonnez  sur  les  Eglises.  Ceste  est  la  vraye  et  ancienne  coustume  de  l'Eglise.  Noz  adversaires  s'escryent  si  souvent  a  l'encontre  de  nous,  que  nous  ne  tenons  compte  de  la  coustume  de  l'Eglise:  combien  que  eux  mesmes  ont  destruict  totalement  ces  institutions,  tant  utiles,  des  Prophetes  et  Apostres.  Or  a  celle  fin,  quelles  soyent  remises  en  leur  entier  et  aussi  conservees:  il  fauldra  que  les  gouverneurs  y  employent  tout  leur  effort,  en  telle  sorte  que  les  escoles  florissent,  et  que  la  doctrine  salutaire  soit  advancee:  a  celle  fin  que  ceux  qui  s'addonnent  a  l'estude,  lesquelz  puis  apres  doyvent  estre  ordonnez  sur  les  Eglises,  soyent  preparez,  entretenuz  et  enseignez.  Or  il  convient  corriger  deux  choses  es  universitez:  c'est  a  scavoir  les  doctrines,  et  la  discipline.  Les  gens  bien  scavans  et  prudens  pourront  prescrire  l'ordre  d'enseigner  les  artz  et  sciences,  en  sorte  qu??la  ieunesse  ne  s'applicque  point  seulement  es  sciences  prophanes,  mais  aussi  quelle  apprenne  la  doctrine  chrestienne  :  d'avantage,  qu'elle  soit  reduicte  a  la  vraye  philosophie  et  que  la  Dialectique  soit  pure-V  ment  et  prudemment  enseignee,  en  reiettant  ces  bourdes  sophistiques  :  puis  aussi,  que  la  physique  et  mathematique  s'ensuyvent,  qu'on  apprenne  a  bien  parler  et  escrire:  mais  ceste  partie  de  doctrine  est  trop  longue  pour  estre  toute  comprinse  icy,  et  aussi  on  la  doit  constituer  en  chascun  s  lieux,  selon  le  iugement  des  scavans  et  entenduz.  La  restitution  de  la  discipline  requiert  l'authorite  et  diligence  des  Princes,  [fol.  138]  et  Magistratz.  Car  il  est  necessaire  que  les  meurs  soyent  reglez  par  une  plus  grande  severite:  et  que  la  ieunesse  soit  contenue  en  certaines  limites,  la  reduisant  a  exercices  chrestiens.  Il  fault  aussi  restraindre  la  trop  grande  liberte,  defendre  les  bancquetz  oultre  heure,  tout  habillement  deshonneste,  comme  de  gaudisseur  et  de  gendarme  Ceste  reformation  ne  pourra  avoir  lieu  si  les  Magistratz  par  bonne  peine  ne  punissent  les  rebelles.  Mais  tout  ainsi,  que  Demosthene  appelle  l'argent  les  nerfz  de  la  guerre,  aussi  il  fauldra  avoir  quelques  revenuz,  pour  establir  et  maintenir  tous  ces  degrez:  comme  pour  nourrir  les  Pasteurs,  les  Iuges,  escoliers  et  regens.  Et  il  en  y  a  assez,  moyen??nant  qu'on  les  employe  a  bien.  40