49:626  rigueur  ?  Viola  ce  que  nous  avons  encores  a  retenir  sur  ce  passage.  Or  cependant  l'histoire  nous  monstre  comme  les  hommes  vienent  iusques  a  toute  enormite,  quand  ils  se  dispensent  ainsi,  et  leur  semble  que  Dieu  s'assubietir  a  eux,  et  qu'ils  se  pourront  transfigurer  a  leur  fantasie.  Au  reste  quant  a  l'histoire,  notons  ce  qui  est  la  recite,  que  quand  le  peuple  s'est  ainsi  corrompu,  Dieu  declare  qu'il  ne  peut  plus  porter  un  tel  crime  et  si  detestable:  et  lors  comme  par  despit  Zambri  (ce  monsire-la)  vient  amener  une  paillarde  aupres  du  sanctuaire.  Quand  encores  il  eust  este  embrase  en  sa  cupidite  brutale,  si  est-ce  que  le  regard  du  sanctuaire  le  devoit  la  rendre  confus:  car  c'estoit  le  tesmoignage  que  Dieu  habitoit  au  milieu  de  son  peuple:  la  on  le  venoit  adorer,  et  il  y  declaroit  aussi  sa  vertu:  le  pilier  de  feu  se  monstroit  de  nuit,  la  nuee  de  iour.  Voyla  donc  Dieu  qui  se  declare  si  priveement  aux  Iuifs,  qu'il  faut  bien,  s'ils  ne  sont  plus  qu'hebetez,  que  en  voyant  le  sanctuaire,  ils  soyent  esmeus  a  reverence  et  humiliez.  Or  ce  vilein  vient  a  despiter  Dieu,  et  la  amene  sa  putain,  pour  dire,  Non,  non  on  a  beau  dire,  ie  feray  ici  le  bordeau  au  Temple  da  Dieu.  ll  n'y  a  plus  de  discretion.  Il  ne  faut  plus  tenir  les  gens  en  bride:  voyla  ou  ils  en  estoyent  venus.  Or  i'ay  dit  que  telle  histoire  nous  doit  servir  d'instruction.  Car  quand  les  hommes  commencent  a  se  desborder,  ils  ne  monstrent  pas  un  tel  mespris  de  Dieu,  que  ce  soit  iusques  a  luy  faire  la  guerre  ouverte:  mais  quand  le  mal  aura  eu  la  vogue,  et  que  beaucoup  auront  offense  sans  qu'pn  les  punisse,  alors  on  ne  fait  que  torcher  sa  bouche:  car  on  n'a  plus  de  honte.  Quand  un  peche  sera  commun,  il  n'y  a  plus  de  vergongne,  il  semble  que  tout  soit  licite:  Chacun  se  regarde,  et  aussi  l'un  ne  vaut  pas  mieux  que  l'autre.  Voyla  comme  les  hommes  s'abbrutissent.  Et  c'est  une  iuste  vengence  de  Dieu,  quand  on  ne  tient  point  la-  bride  courte  pour  chastier  les  offenses,  mais  qu'on  les  laisse  couler.  Il  faut  qu'en  la  fin  le  mal  qui  aura  couve  viene  en  avant,  et  qu'on  n'y  puisse  plus  remedier.  De  ce  temps  la  il  y  avoit  encores  entre  ce  peuple  des  gens  craignans  Dieu,  il  y  avoit  tel  zele,  que  beaucoup  eussent  mieux  aime  mourir  que  de  voir  un  tel  scandale  et  opprobre:  comme  Moyse  notamment  recite  que  tout  estoit  plein  de  lamentations  et  de  queremonies.  Helas  (disoyent  les  gens  de  bien)  que  sera-ce?  Faut-il  que  le  nom  de  Dieu  soit  ainsi  mesprise?  Voyla  donc  beaucoup  de  ceux  qui  mesmes  avoyent  authorite  auparavant  entre  le  Peuple,  qui  gemissent  et  souspirent.  Mais  quoy?  ils  ont  les  mains  liees:  il  y  a  eu  une  permission  trop  lasche  auparavant,  et  Dieu  ne  leur  fait  point  cest  honneur  qu'ils  ayent  l'authorite  de  remedier