25:626  tes  tentations.  Et  ainsi  poisons  bien  ce  mot,  quand  il  dit:  Tirez  et  possedes  la  terre.  Dieu  ne  dit  pas  simplement  a  ses  fideles  :  Venez,  regardez  que  vous  pourrez  faire,  examinez  vos  forces,  et  cependant  qu'il  les  laisse  la  au  hazard,  non:  mais  il  leur  dit:  Venez  pour  posseder.  Comme  s'il  disoit  :  Seulement  appliquez-vous  a  me  servir,  et  laissez  moy  faire:  car  ie  besongneray  en  telle  sorte,  que  celuy  qui  s'employe  a  me  suyvre  ne  perdra  point  sa  peine,  il  ne  travaillera  point  d'un  labeur  inutile,  ie  feray  fructifier  le  tout.  Voila  donc  ce  que  nous  avons  a  noter  en  ce  passage.  Et  ainsi  quelle  excuse  y  aurail  pour  nous,  si  nous  ne  suyvons  ou  nostre  Seigneur  nous  appelle,  attendu  que  ceste  voix  doit  resonner  en  nos  aureilles  ?  Venez  et  possedez.  Si  cela  a  este  dit  pour  la  terre  de  Chanaan,  auiord'huy  il  sera  encores  mieux  approuve  en  nous  et  verifie.  Et  ainsi  toutes  fois  et  quantes  que  nous  sommes  tardifs  a  obeir  a  Dieu  que  nous  sommes  retenus  en  ce  monde,  ou  bien  que  les  difficultez  nous  estonnent,  que  nous  entrons  en  ces  pensees,  Helas!  sera-il  possible  que  ie  parvienne  a  Dieu?  Et  comment  pourray-ie  surmonter  une  telle  difficulte  et  si  grande?  Cela  est  par  dessus  toutes  mes  vertus.  Quand  donc  nous  serons  empeschez,  que  nous  serons  en  perplexite  et  en  doute,  que  ceci  nous  vienne  en  memoire  :  Or  puis  qu'il  plaist  a  Dieu  de  s'estre  declare  a  moy,  c'est  bien  raison  que  ie  me  contente  de  la  certitude  qu'il  m'a  donnee,  et  de  l'experience  qu'il  m'a  fait  sentir  de  sa  bonte.  Et  ainsi  il  faut  passer  outre,  nonobstant  toutes  les  tentations  de  deffiance  qui  pourroyent  venir  au  devant.  Et  cependant  aussi  adioustons  pour  confirmation  ce  qu'il  dit:  Fay  mis  la  terre  devant  vous:  car  il  a  mieux  exprime  comment  ils  la  doyvent  posseder.  Si  les  nommes  regardent  a  ce  qu'ils  peuvent,  et  qu'ils  poisent  leurs  facultez,  ils  se  peuvent  bien  desfier,  ils  se  peuvent  desesperer  du  tout.  Mais  quand  nous  savons  que  c'est  office  de  Dieu  de  nous  donner  la  vertu  qui  nous  defaut,  et  de  parfaire  nostre  salut,  comme  il  en  est  l'autheur:  voila  en  quoy  gist  nostre  fiance.  En  ne  presumant  donc  rien  de  nous,  que  nous  courions  d'un  courage  allaigre:  mais  cependant  cognoissons  toutesfois  que  c'est  Dieu  qui  declaire  sa  vertu  pour  parfaire  nostre  salut,  et  qu'il  en  est  l'autheur:  et  qu'il  se  reserve  de  nous  conduire  en  telle  sorte,  que  la  possession  en  soit  desia  comme  en  sa  main.  Or  si  nous  voulons  bien  faire  nostre  profit  de  ceste  doctrine,  en  premier  lieu  oublions  toutes  vaines  phantasies  de  nos  forces,  de  nostre  franc-arbitre,  et  de  ce  que  les  hommes  ont  imagine  :  car  voila  comme  le  Diable  a  enyvre  les  hommes,  et  les  trompe,  quand  il  leur  fait  accroire  qu'ils  peuvent  beaucoup.  Et  auiourd'huy  nous  voypns^  les  Papistes  qui  sont  encores  enflez  de  cest  orgueil  diabolique.  Or  il  est  question  de  leur  francarbitre,  40