9:625  625  A  UN  HOLANDOIS.  626  tous  Chrestiens  et  enfans  de  Dieu  il  n'y  doive  avoir  une  bonne  melodie  et  accord  a  glorifier  Dieu  tant  dehors  que  dedans.  Venons  au  second  point  que  cest  habile  docteur  requiert,  a  savoir,  la  discretion.  Il  allegue  ce  que  Iesus  Christ  dit  a  ses  disciples,  Vous  estes  le  sel  de  la  terre  (Matth.  5,  13).  Prenons  le  cas  que  ce  soit  a  propos,  que  s'ensuyvra-il  de  cela?  C'est  que  le  zele  sans  discretion  n'est  rien.  Il  ne  faut  point  qu'il  s'empesche  beaucoup  pour  prouver  une  chose  assez  notoire.  Qu'il  magnifie  donc  tant  qu'il  voudra  la  discretion  :  qu'elle  [page  71]  soit  maistresse  de  mediocrite  et  de  toutes  vertus:  qu'elle  soit  le  charetier,  comme  il  la  nomme,  de  la  vie  humaine.  Quand  il  aura  tout  dit,  si  faut-il  que  pour  se  monstrer  discrete  personne  il  regarde  a  la  matiere  qu'il  a  a  traiter.  Or  il  n'y  a  rien  en  luy  de  cela:  sinon  qu'il  saute  a  travers  champs,  comme  un  veau  debride.  Car  quant  a  ce  qu'il  allegue  que  nostre  Seigneur  Iesus  a  quelque  fois  defendu  a  ceux  qu'il  avoit  gueris  d'en  rien  dire,  ce  n'est  pas  pour  deroguer  a  la  reigle  commune,  que  tous  le  doivent  cognoistre  pour  luy  faire  hommage.  Mesme  quand  pour  un  temps  il  se  fust  voulu  tenir  cache,  depuis  sa  resurrection,  comme  dit  S.  Paul,  le  temps  est  venu  que  toute  langue  doit  confesser  qu'il  est  en  la  gloire  de  Dieu  son  pere  (Philip.  2,  ll).  Parquoy  il  n'est  pas  a,  croire  que  ce  sainct  Apostre,  lequel  incite  toute  langue  a  parler  haut  et  clair  a  la  louange  de  Iesus  Christ,  ait  donne  du  laict  aux  petis  et  foibles  pour  rien  desguiser  ne  contrefaire  en  la  pure  doctrine  de  l'Evangile:  mais  a  use  de  prudence  pour  se  conformer  a  la  capacite  d'un  chacun.  Ce  brouillon  propose  la  temerite  de  sainct  Pierre  (Matth.  26,  33),  et  le  zele  inconsidere  de  Iephte  (Iuges  l  l  ,  34):  mais  a  quelle  fin?  comme  tout  le  reste  qu'il  allegue  de  l'Ecclesiastique  (20,  7),  ou  des  Proverbes  (17,  27.  28),  a  savoir  qu'il  se  faut  taire,  ou  bien  dire.  Mais  c'est  a  faire  a  un  demoniaque,  de  vouloir  sous  ombre  de  cela  ensevelir  la  verite  de  Dieu.  Car  la  prudence  des  fideles  n'est  pas  une  astuce  pour  se  moquer  des  povres  ignorans,  et  quand  et  quand  frauder  Dieu  de  son  droit:  mais  suyvant  l'enseignement  de  Iesus  Christ  elle  doit  estre  coniointe  a,  simplicite  de  colombe  (Matth.  10,  16).  S'il  advertissoit  [page  72]  que  nous  avons  a  parler  par  mesure,  il  n'y  auroit  point  de  contredit:  mais  il  monstre  que  iusqu'ici  il  n'a  iamais  seu  que  c'estoit  de  mediocrite:  veu  que  d'une  extremite  il  tire  a  l'autre.  Mesme  il  semble  qu'il  commande  silence  a  tous  les  autres,  afin  qu'il  n'y  ait  que  pour  luy  seul  a.  habiller.  Mais  apres  avoir  fait  tous  Chrestiens  de  la  reigle  des  Chartreux,  il  est  si  impudent  de  dire  que  c'a  este  la  raison,  pour  laquelle  nostre  Seigneur  Iesus  n'a  rien  respondu  a  Herode  ni  a  Pilate:  car  il  dit,  Que  ce  n'a  pas  este  qu'il  lesesti-  Calvini  opera.  Vol.  IX.