8:625  625  MICHAELIS  SERVETI.  626  bitrium  cerebri  sui  vertiginem  supposuit.  Adde  quod,  dum  peccato  vitiatam  esse  et  corruptam  hominis  naturam  scriptura  docet,  ad  solum  corpus  hoc  restringitur  a  Serveto,  ut  anima  ab  omni  vitio  pura  sit1)  Nam  hoc  illi  caro  significat,  sub  qua  tamen  totus  homo  quantus  quantus  est2)  comprehenditur,  pagina  377.  Hinc  fit  ut  peccato  originali  neminem  damnari  putet,  quemadmodum  paulo  ante  exposuimus,  et  repetit  pag.  720.  Obieceram  ipsum  iustitiae  perfectionem  una  cum  Catharis,  Novato  et  similibus  haereticis  statuere:  mentiri  me  respondet.  An  mentiar,  ex  re  ipsa  iudicent  lectores.  Postquam  pag.  552  Christum  substantialiter  a  morte  resurgendo  innovatum  esse  dixit,  pagina  sequente  dictu  nefas  esse  pronunciat,  Christum  aliquid  spirare  quod  nobis  commune  non  sit,  quum  se  totum  nobis  communicet.  Hoc  modo  destrui  variam  donorum  spiritus  distributionem,  referre  nihil  attinet.  Unicuique  dari  gratiam  secundum  mensuram  donationis  Christi,  non  modo  testis  est  Paulus,  sed  fidei  sensus  dictat,  et  propria  experientia  docet.  Christum  Servetus  boni  quidquam  spirare  non  vult,  quod  non  quisque  nostrum  [pag.  234]  in  solidum  recipiat.  Hoc  sicuti  videtur  non  satis  liquidum  esse,  vel  firmum,  agedum  quidquid  est  ambiguitatis  tollat  ipse  Servetus.  Epistola  duodecima  hoc  argumentum  data  opera  tractandum  suscipit.  Hoc  porro  exordium  est:  Quum  doceo  quibusdam  velut  faecibus  semper  esse  admixta  opera,  ut  foeteant  coram  Deo,  si  ad  rigidum  examen  vocentur,  me  in  spiritum  blasphemare  dicit.  Quum  doceo  nusquam  posse  inveniri  perfectum  Dei  amorem  in  terra,  quia  caro  contra  spiritum  concupiscit,  doctrinae  Christi  contendit  hoc  palam  esse  adversum.  Videmus  ut  singulis  operibus  exactam  puritatem  vendicet,  quae  sustineat  extremum  Dei  rigorem.  Deinde  ut  neget  carnis  conflictu  impediri  sanctos  quominus  Deum  toto  corde  totisque  viribus  diligant.  Facessat3)  igitur  e  medio  peccatorum  remissio,  si  perfectam  iustitiam  opponere  Deo  licet.  Prosequitur  Servetus,  octodecim  scripturae  locos  recensens,  ubi  fidelibus  perfectio  tribuitur.  Cur  non  etiam  ex  veteri  testamento  totidem,  sicut  poterat,  protulit  (quo  tempore  negat  spiritu  regenitos  fuisse  homines)  nisi  quia  veritus  est  ne  hoc  modo  sine  spiritus  gratia  constaret  iustitiae  perfectio?  Quid  tamen  contineant  loci  isti  videndum  est.  Corinthios  hortatur  Paulus,  1.  Cor.  1  (v.  10)  ut  perfecti  sint.  An  eos  propterea  in  gradu  perfectionis  collocat,  ac  non  potius  se  cupere  ostendit,  ut  tota  vita  ad  perfectionem  aspirent?  Omitto  quod  1)  ut  anima  caett  om.  G.  2)  avec  les  parties  et  facultes  de  son  ame.  3)  s'en  aille  au  grat.  Calvini  opera.  Vol  VIII.