7:625  625  REFORMANDAE  RATIO.  626  coenam  celebravit  Christus  cum  apostolis,  probabile  est  aliqua  panis  fragmenta  superfuisse:  nec  legimus  eum  qui  postremus  calicem  accepit,  totum  ebibisse.  Iussi  enim  sunt  ex  calice  bibere  omnes,  non  exhaurire.  Ita  factum  esset,  ut  sanguis  Christi  temere  a  quolibet  obvio  sorberetur.  Quid?  quum  panis  unus  frangeretur  in  prima  ecclesia  :  an  dicent  reliquias  in  arculam  fuisse  conditas?  Nondum  scilicet  innotuerat  haec  nova  sapientia,  quae  magica  incantatione  panem  mutari  fingit.  Nos  ergo  Christi  ipsius  verbis  inhaerentes,  nihilo  magis  corpus  eius  agnoscamus  per  panem  nobis  exhiberi,  quam  Dei  gratiamx)  extra  eius  promissiones.  Neque  enim  corpus  se  dare  pronunciat,  quod  in  ciborio  inclusum  servetur,  sed  quod  distribviatur  inter  fideles.  Calicis  usus,  quoniam  ab  eo  nisi  aegre  prohiberi  nequeant,  qui  hactenus  assueverunt,  quasi  per  veniam  ab  illis  conceditur:  eaque  lege,  ut  consuetudinem  sub  una  parte  communicandi  longo  tempore  usitatam,  non  reprehendant:  deinde  tamdiu  fruantur  hoc  privilegio,  donec  concilii  decreto  quid  sibi  agendum  sit  intelligant.  Quid  autem  stabile  erit  in  religione  si  ita  hominum  arbitrio  abroganda  subiicimus,  quae  filius  Dei  statuit?  Clarum  est  mandatum:  Bibite  ex  hoc  omnes.  Puerili  cavillo  effugiunt,  solis  apostolis  ita  loquutum  esse  Christum,  quos  iam  fecerat  sacerdotes.  Quasi  non  communem  omnibus  [pag.  128]  regulam  praescribat.  Quid  enim?  An  peculiare  sacerdotibus  sacramentum  instituit,  ac  non  toti  potius  ecclesiae?  Ac  Paulus  quidem,  si  quid  dubitationis  alioqui  esset,  id  tollit,  dum  se  Corinthiis,  tam  viris  quam  mulieribus,  testatur  quod  a  Domino  acceperat  tradidisse:  nempe  ut  indifferenter  omnes  bibant  (1  Cor.  ll,  23.  25).  Quaerendusne  erit  melior  interpres?  Atque  hunc  communicandi  morem,  ut  erat  a  Domino  traditus,  plus  quam  septingentis  annis  in  ecclesia  usitatum  fuisse  notum  est.  Quin  etiam  exstat  edictum  Gelasii,2)  quo  excommunicantur  qui  a  calice  abstinentes  partem  alteram  sumunt.  Arceantur,  inquit,  ab  integris,  aut  integra  percipiant:  quia  eiusdem  mysterii  divisio,  sine  magno  sacrilegio  ad  eos  pervenire  non  potest.  Eo  deinde  sacrilegii,  quod  tantopere  Gelasius  detestatur,  prorumpere  homines  ausi  sunt,  non  superstitiosa  modo  abstinentia,  sed  tyrannica  prohibitione.  Hanc  diabolicam  audaciam  quis  pius  non  vehementer  horreat?  Qui  in  eius  defensionem  obtendi  solent  colores,  nihil  quam  malum  duplicant.  Quum  aliqua  sanguinis  interdum  gutta  effunderetur,  huic  periculo  fuisse  obviandum  causantur.  Ita,  si  illis  creditur,  quod  ab  aeterna  Dei  sapientia  non  fuerat  provisum,  soli  animadverterunt  :  quod  temere  ab  illa  vitium  ad-  1)  les  graces  de  son  Esprit.  2)  C.  Comperimus.  De  consecr,  dist.  2.  Calvini  opera.  Vol.  VIL