6:625  APPENDICES.  MARTINI  BUCERI  CONSILIUM.  Sententiae  hic  a  domino  Philippo  scriptae  in  omnihus  assentior.  Opto  quidem  fratres,  quos  babylonica  tenet  captivitas,  diligentissime  cavere,  ne  intempestive  et  petulanter  vituperando  vulgatas  caeremonias  opinionem  impietatis  apud  electos  Dei,  quos  lucrifacere  Domino  oportebat,  incurrant:  atque  eo  se  inutiles  reddant,  qui  illos  Domino  adducant.  Opto  ut  illud  inter  fratres  certum  teneatur:  Quaecunque  Dei  et  Christi  supersunt  in  vulgatis  lectionibus,  concionibus  et  aliis  ecclesiasticis  actionibus,  ita  vitiari  non  posse,  nec  impietate  ministrorum,  nec  irreligiosa  humanorum  commentorum  admixtione,  nec  superstitione  abutentium,  quin  pii  homines  loquentem  et  agentem  in  illis  Dominum  audire  et  sentire  queant,  et  ad  incrementum  pietatis  illis  uti.  Ita  scilicet,  etiam  post  Christi  necem  usi  sunt  caeremoniis  [pag.  106]  hierosolymitanis,  vitiatis  gravissima  impietate,  et  administrantium  eas,  et  usurpantium:  tum  etiam  contaminatione  inventionum  humanarum.  Quum  autem  simus  ad  hoc  conditi  et  redempti,  ut  Deum  et  patrem  nostrum,  per  Dominum  nostrum  Iesum  Christum  ubique  et  in  omnibus  nostris  invocemus,  confiteamur  et  celebremus  summa  religione,  libertate,  fiducia,  nec  ullam  omittamus  occasionem  praedicandi  regni  eius,  adducendique  ipsi,  et  ad  gregem  eius,  oves  quaecunque  ab  ovili  eius  adhuc  aberrant,  necesse  est,  ut  omnes  Christiani  hoc  summo  studio  curent  et  faciant,  in  sacris  coetibus  atque  caeremoniis,  hoc  est,  coram  ipso  Domino,  et  in  ipsa  invocandi,  confitendi,  praedicandi  Dei  et  servatoris  professione  atque  gratiarum  actione.  Ad  hoc  enim  ipsum  convenitur  in  sacris  conventibus:  et  ad  hoc  ipsum  institutae  sunt  omnes  caeremoniae,  quae  instrumenta  scilicet  sunt:  sicut  commendandae  et  exhibendae  nobis  redemptionis  atque  communionis  Christi,  ita  etiam  invocandi,  confitendi  et  celebrandi  Christi.  Istud  enim:  JEacite  hoc  ad  meam  commemorationem,  ad  omnia  sacramenta  Christi  pertinet  Iam  quia  ista  invocatio,  confessio  et  celebratio  Domini  debet  fieri  ex  toto  corde,  ex  [pag.  107]  tota  anima  et  ex  omni  virili,  uti  Dominus  solus  est  qui  largitur,  et  facit  nobis  omne  bonum,  quivis  id  facile  cognoscit,  vere  credentium  Christo  esse,  ita  invocare,  confiteri  et  praedicare  Christum  Dominum,  ut  non  solum  ea  quae  ipsius  sunt  agnoscamus,  laudemus  et  hominibus  commendemus,  sed  etiam  quae  Antichristi  sunt  detegere,  anathematizare,  et  homines  ab  illis  revocare  studeamus.  Sic  intererant  apostoli  caeremoniis  vulgatis  Hierosolymis,  quae  supererant  ex  institutis  divinitus,  eas  ad  Christum  Dominum  referebant,  verumque  usum  earum  docebant;  quae  admixta  erant  humanitus,  ea  prodebant  et  damnabant.  Dominum  Iesum  finem  legis,  et  omnium  lege  traditorum,  summo  studio  praedicabant,  et  in  templo,  et  in  omni  coetu  hominum,