5:625  ACTES  DE  RATISBONNE.  eres  et  maistres  des  escoles.  Et  les  escoles  ne  sont  pas  seulement  pour  semence  des  Eglises,  mais  la  on  y  dresse  les  cspritz  a  quelque  maniere  de  vivre  que  ce  soit.  Mesme  les  escoles  sont  les  fontaines  d'humanite,  en  toute  H  vie,  et  icelles  estans  mesprisees  il  fault  necessairement  que  plusieurs  tenebres  s'ensuyvent,  confusion  de  religion,  superstitions,  destruction  des  loix,  letres  et  artz,  oubliance  d'antiquite  et  des  hystoires,  ou  humanite  en  meurs:  finalement  une  barbarie  infinie,  en  toutes  les  parties  de  la  vie.  A  ceste  cause  tous  sages  gouverneurs  ont  iuge  l'establissement  des  escoles  ^estre  principalement  utile  a  la  chose  publique  et  icelles  bien  ordonnees,  [fol.  136]  estre  la  principalle  decoration  et  aornement  des  Citez.  Combien  donc  par  plus  forte  raison  doit  on  maintenir  les  escoles  en  l'Eglise?  esquelles  est  contregardee  et  avancee  la  doctrine  de  l'Evangile,  et  toutes  bonnes  sciences,  utiles  tant  pour  expliquer  la  doctrine  celeste,  que  pour  gouverner  les  aultres  choses  qui  concernent  la  vie  de  l'homme?  Et  en  cecy  nous  devons  estre  esmeuz  par  la  coustume  de  l'Eglise  de  tout  temps.  Car  l'Eglise  n'a  iamais  ilory  sans  escoles.  Dieu  a  voulu  que  certaines  congregations  fussent  au  tabernacle  que  Moyse  avoit  edifie,  et  puis  apres  au  temple,  non  pour  aultre  cause  sinon  a  celle  fin  qu'illec  l'estude  de  la  loy  divine  et  d'aultres  bonnes  sciences  eust  vigueur  a  cause  de  l'assemblee  et  que  la  ieunesse  fust  entretenue  et  exercitee.  Pour  ceste  cause  Samuel  en  sa  ieunesse  a  este  mene  au  tabernacle,  comme  a  une  universi  te:  puis  Elie,  Elisee,  Iehan  Baptiste,  CHRIST,  ont  eu  une  tresgrande  multitude  d'auditeurs.  Les  Apostres  aussi  ont  garde  ceste  coustume,  comme  il  appert  par  Irenee  qui  testifie  que  S.  Iehan  n'a  point  seulement  enseigne  la  multitude  des  gens  non  lettrez,  mais  aussi  qu'il  a  eu  aucuns  auditeurs  permanens,  qui  s'estoyent  du  tout  addonnez  a  l'estude,  lesquelz  il  avoit  de  coustume  d'enseigner  familierement,  mesmes  hors  les  assemblees  de  toute  l'Eglise.  De  la  sont  sortiz  les  collieges  anciens:  et  c'estoit  aussi  une  chose  bien  profitable  qu'on  eust  telles  escolles  :  lesquelles  rendoyent  tesmoignage  de  la  doctrine  qui  avoit  este  receue  des  Apostres:  et  contregardoyent  la  sentence  d'iceux.  A  ceste  cause  ces  escolles  anciennes  sont  souventesfoys  alleguees,  et  pour  l'amour  d'icelles  leur  succession  d'ordre  en  ordre  est  louee,  d'autant  qu'elles  estoyent  comme  certains  tesmoings  dc  la  doctrine  Apostolique.  Maintenant  ces  louenges  sont  transferees  et  applicquees  pour  amplifier  leur  puissance,  puis  apres  que  les  richesses,  domination  royale  et  boubance,  ont  esteinct  l'estude  des  collieges,  grosses  tenebres  se  sont  fourrees  dedans  l'Eglise,  et  de  la  est  venue  la  theologie  des  moynes,  meslee  avec  une  sotte  et  ignorante  philosophie,  et  superstitions,  [fol.  137]  Et  maintenant  elle  est  envieillie  et  caducque.  Calvini  opera.  Vol.  V.